2 Bakorinto 5:11 - Indagano Inyaaya mu-Chijita

¹¹ Woori, kwa okubha chimenyere okuyaana Raatabhugenyi echibharo, echiikomeesya okukongya abhaanu, korereki bhamwikirisye. Nyamuwanga kaamenya kisi kutyo chiri, anye eniiyikanya ati emwe omuchisombookerwa kisi mu‑mitima jeemwe.

INDAGANO INYA:YA

¹¹ Mbe okuba cimenyere amakanyo ga Ratabugenyi, kwecikora nicikongya abamu, nawe ecibu:risibwa ku Nyamuanga. Eciikanya ati ecibu:risibwa mu mitima jemwe one.

2 Bakorinto 5:11 ပူးပေါင်းရင်းမြစ်များ

Matayo 10:28

Mwasiga okuubhaya abhaanu bhanu abhatura okwita omubhiri era, nawe bhatakutura okwita omwoyo. Emwe muubhayega Nyamuwanga eenyere, kwa okubha omwene niwe kaatura okusingaarisya omubhiri na omwoyo mu‑muriro gwa akajaanende koone.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Ruuka 12:5

Nawe, enija okubheeresya unu mwenderwe okuubhaya. Muubhaye Nyamuwanga, kwa okubha akamara okwita omuunu, ari na obhuturo bhwa okumwesa mu‑muriro gwa akajaanende koone. Mbe, muubhaye omwene eenyere.

Ruuka 16:31

Bhurayimu ˆnaamusubhya ati, ‘Araabha abhamura bhaanyu abho, bhaakarema okuungwa emisango jinu jikaamirwe na Muusa na abharagi abhandi, bhatakuja okuungwa omuunu noorwo akasuuruka okusooka mu‑bhafuuwe.’”

Ebikorwa 13:43

Omwanya gunu abhaanu abho ꞉bhaanyarambukire, Abhayawudi bhaafu, aamwi na abhaanu abhandi bhanu ꞉bhaagwateene na Abhayawudi bhanu bhaaramyaga Nyamuwanga, nibharuubha Pawuro na Bharinaabha. Abheene wone nibhasimura na abhaanu abho nibhabhakomeeresyaga ati, bhagenderere okwiyikanya obhwitiriranya bhwa Nyamuwanga.

Ebikorwa 18:13

Nibhamusitaaka nibhaayikaga ati, “Omuunu unu kaakongya abhaanu bharamye Nyamuwanga ku‑njira inu itakwikirisibhwa na ebhiraagiro bhya Muusa.”

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Ebikorwa 19:26

Nawe woori mwoongwa na mwarora kutyo Pawuro oyo kaakurura abhaanu bhaafu bha Yefeeso anu, aamwi na bhanu bhari mbaara joone ja Asiya. Kaabhabhwira ati, amasusano ganu agakonjwa na amabhoko aga abhaanu, gatari Nyamuwanga wa echimari.

Ebikorwa 26:26

Omukama wone kaajimenya kisi. Niyo isonga enitura okwiyeresya kwa ribhaasi imbere yaaye. Gutari‑wo noorwo omusango gumwi gunu atamenyere, kwa okubha jaariga jitakukorekana mu‑mbisike.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Baefeso 5:21

Bhuri wumwi weemwe orobherega oweejaabho, kwa okubha mu‑kukora kutyo, omuyaana Kirisito echibharo.

Baeburania 10:31

Ni musango gwa okuubhaya muno omuunu okugwa mu‑mabhoko ga Nyamuwanga omuwanga.

Baeburania 12:29

okubha Nyamuwanga weeswe, ari rwa omuriro omururu kabhukabhu gunu ogusingaarisya chimwi.

Yuuda 1:23

Abhaanu abhandi mubhawonʼyega kwa okubhasaakura okusooka mu‑muriro gwa indamu. Abhaanu abhandi mubhafwire echigongo, nawe wone mwiyangarire, na okwikenga obhubhiibhi bhwebhwe bhwone.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.