2 Bakorinto 4:18 - Indagano Inyaaya mu-Chijita

¹⁸ Kutyo, chitakuringira ebhiinu bhinu ebhibhonekana, tari bhinu bhitakubhonekana, kwa okubha bhinu ebhibhonekana ni bhya kasinjeeke era, nawe bhinu bhitakubhonekana, ni bhya akajaanende.

INDAGANO INYA:YA

¹⁸ Eswe citakurore:rera binu ebiboneka, okuba binu ebiboneka ni bya kasinjeke, nawe binu bitakuboneka ni bya kajanende.

2 Bakorinto 4:18 ပူးပေါင်းရင်းမြစ်များ

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

2 Bakorinto 5:7

Chiikaaye ku‑njira ya eriikirisya, jitari ku‑njira ya okurora kwa ameeso.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

Baeburania 11:1

Mbe, eriikirisya ni kubha na echimari cha emisango jinu echiiyikanya. Ka wone ni kwikirisya kata ati emisango jinu chitakurora woori ni ja chimari.

Baeburania 11:13

Abhaanu abho bhoone, ꞉bhaagendereeye okubha na eriikirisya okukingira okumaama nyombe. ꞉Bhaamaamire nyombe bhachaari okubhona wuri jinu Nyamuwanga aariga abharagire, nawe bhaariga nibhajirora kura na okujikondererwa. Nibheekirisya ati abheene bhaariga bhari bhagenyi na abhayitingʼani ku‑chaaro kunu.

Baeburania 9:11

Kirisito ꞉eejire, korereki abhe Omugabhisi Omukuru wa obhutinge obhuyaaya bhunu bhwachireetera emisango ja ekisi. Omwene niwe kaakora emirimu mw‑iyeema erindi rinu riri rya ekisi muno, ka wone rikuumiiye okukira rya okwamba rirya. Riyeema eryo ꞉ritoombakirwe na omuunu, obhugajuro bhwago ni ati, riyeema eryo ritari rya ku‑chaaro kunu.

1 Yoana 2:25

Kutyo echiramira obhuwanga bhwa akajaanende koone bhunu ꞉aachiragire.