2 Bakorinto 4:11 - Indagano Inyaaya mu-Chijita

¹¹ Eswe bhanu chiri bhaanga, echiribhata na orufu omwanya gwone inguru ya Yeesu, korereki obhuwanga bhwaye, bhubhuurisibhwe ku‑mibhiri jeeswe jinu ejifwa.

INDAGANO INYA:YA

¹¹ Okuba eswe abaanga eciso:sibwa okufwa kubwa Yesu kusiku, korereki obuanga bwa Yesu one bubu:risibwe mu mibiri jeswe jinu ejifwa.

2 Bakorinto 4:11 ပူးပေါင်းရင်းမြစ်များ

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

Barumi 8:36

Rwa kutyo Ebhikaame Ebhyeru ebhyayika ati, “Bhuri rusuku echibhugana na orufu, kwa okubha echikukorera emirimu. Echikorerwa rwa jinaama jinu ejisirwa okwitwa.”

1 Bakorinto 15:31

Abhayiri bhaani mu‑riikirisya, bhuri rusuku anye niri mu‑ngʼanga ya okufwa. Omusango gunu ni gwa chimari, rwa kutyo ni chimari ati eniikuuya inguru yeemwe kwa okubha muri na obhumwi na Kirisito Yeesu Raatabhugenyi weeswe.

1 Bakorinto 15:49

Rwa kutyo echisusana na Adaamu, unu ꞉aamogerwe, nyabhuriko chirisusana na Kirisito, unu ꞉aasookereeye mu‑rwire.

2 Bakorinto 4:10

Siku joone emibhiri jeeswe jiri mu‑ngʼanga ya okufwa rwa Yeesu, korereki obhuwanga bhwa Yeesu bhubhuurisibhwe ku‑mibhiri jeeswe.

2 Bakorinto 4:12

Mbe, ku‑songa eyo, eswe chiri mu‑ngʼanga ya okufwa, nawe emwe omubhona obhuwanga.

2 Bakorinto 5:4

Omwanya gunu chichaari mu‑bhiwuuna bhyeswe, echaasibhwa kwa okubha emisango myafu ejichisitoyera. Jitari ati echeenda okufuura emibhiri jinu ejifwa, tari ati echeenda okufwafibhwa emibhiri jinu jitakufwa, korereki jimire emibhiri jinu ejifwa.

2 Bakorinto 6:9

Echibhonekana wuti chitakumenyekana, nawe echimenyekana muno. Echibhonekana wuti echifwa, nawe chiri bhaanga! Echibhumwa muno, nawe chitakwitwa.