2 Bakorinto 3:6 - Indagano Inyaaya mu-Chijita

⁶ Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

INDAGANO INYA:YA

⁶ Niwe unu aciyae amanaga go kukorera indagano inya:ya. Citari bakosi ba nyuguta nawe abo mwoyo. Okuba inyuguta eita, nawe omwoyo ogure:ta obuanga.

2 Bakorinto 3:6 ပူးပေါင်းရင်းမြစ်များ

Matayo 13:52

Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”

Matayo 26:28

Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

Mariko 14:24

ˆNaabhabhwira ati, “Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu.

Ruuka 22:20

Nyabhuriko, bhejire bhaamara okurya ebhiryo, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Isagama yaani iriitika inguru yeemwe.]

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Yowana 6:63

Mwoyo wa Nyamuwanga niwe kaayaana abhaanu obhuwanga. Omuunu atakutura okukora omusango gwonegwone ku‑managa gaaye omwene. Emisango jinu naabhabhwira ni ja Mwoyo wa Nyamuwanga, na ejireeta obhuwanga bhwa akajaanende koone.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

Barumi 4:15

kwa okubha okunyamura ebhiraagiro, okureterera okuyaanwa ebhitiibha. Nawe araabha bhitari‑wo ebhiraagiro, niwo kutari‑wo okunyamura ebhiraagiro.

Barumi 4:17

Ni rwa kutyo Nyamuwanga ꞉aabhwiriiye Bhurayimu mu‑Bhikaame Ebhyeru ati, “Nikuteeye‑wo ubhe raata wa amaanga amaafu.” Bhurayimu ꞉oonguuwe emisango ejo ari imbere ya Nyamuwanga, ˆneekirisya Nyamuwanga unu kaayaana abhafuuwe obhuwanga, na unu kaaragirira ebhiinu bhinu bhichaariga okubha‑wo bhibhe‑wo.

Barumi 7:6

Chaariga chibhoyerwe na ebhiraagiro, nawe woori chifuuwe aamwi na Kirisito, kutyo, ebhiraagiro ebhyo bhitakuchibhoya rindi. Woori chitakukorera Nyamuwanga ku‑njira ya kara ya okuruubha ebhiraagiro bhinu ꞉bhyakaamirwe, tari ku‑njira inyaaya ya okutangasibhwa na Mwoyo Mweru.

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

1 Bakorinto 11:25

Nyabhuriko, bhejire bhaamara okurya, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Bhuri mwanya gunu muranywerega mu‑mutawo ogwo, mubhega nimukora kutyo, mu‑kunyichuka!”

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 3:14

Nawe emyoyo jeebhwe nijikorwa okubha emikomeeye. Noorwo woori bhaakasoma Indagano ya Kara, abhataamibhwa okusombookerwa echimari, abhabha wuti bhayingirisiibhwe na echitambaara chirya. Echitambaara chirya chichaari kusoosibhwa‑wo, kwa okubha echisoosibhwa‑wo era, omwanya gunu omuunu keekirisya Kirisito.

2 Bakorinto 3:3

Omweresya abhwerubhweru ati emwe muri nyarubha ya Kirisito, inu eyeeresya amatwasyo ga emirimu jinu ꞉chaakorere kw‑imwe. Inyarubha eyo, ꞉itaakaamirwe kwa obhwino, tari ꞉yaakaamirwe na Mwoyo wa Nyamuwanga omuwanga. Ka wone ꞉itaakaamirwe ku‑bhibhaara bhya amabhuyi tari ku‑bhibhaara bhinu bhiri mu‑myoyo ja abhaanu.

2 Bakorinto 3:7

Ebhiraagiro bhinu ꞉bhyakaamirwe ku‑bhibhaara bhya amabhuyi, ebhireeta orufu, nawe ꞉bhyejire na rikusyo rinu eringʼarabhya, okukingira Abhayisirayeeri nibhataamibhwa okuringira Muusa mu‑bhusu. ꞉Bhaataamiibhwe okumuringira, kwa okubha obhusu bhwaye ꞉bhwangʼarabhiisye, noorwo kutyo omwanya mufuyi okutura, orungʼarabhyo rurya nirusimirira. Araabha obhukosi bhwa ebhiraagiro bhinu ebhireeta orufu ꞉bhwejire kwa rikusyo rwa eryo,

2 Bakorinto 3:9

Ka wone, araabha obhukosi bhunu obhukora abhaanu okuramurwa bhuri na rikusyo, obhukosi bhunu obhukora abhaanu okubha abharengeresi imbere ya Nyamuwanga, bhuribha na rikusyo enene muno!

Bagalatia 3:21

Woori angu, jitari ati ebhiraagiro ebhiyaajana na emirago jinu Nyamuwanga ꞉aaragire? Wuri, noorwo na akatyari! Araabha bhwakabheye‑wo obhuturo bhwa ebhiraagiro okuyaana abhaanu obhuwanga, mbe chaakaturire okubharwa ati chiri bharengeresi imbere ya Nyamuwanga kwa okuruubha ebhiraagiro.

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

Baefeso 2:5

꞉aachiyaaye obhuwanga aamwi na Kirisito. ꞉Aakorere kutyo, noorwo kutyo chaariga chifuuwe echinyamwoyo inguru ya ebhibhiibhi bhyeswe. Nikwo kutyo chichunguuywe kwa obhwitiriranya bhwaye.

Baefeso 3:7

Anye ꞉naakorerwe omukosi wa Emisango ja Ekisi ejo, ku‑chiyaanwa cha obhwitiriranya bhwa Nyamuwanga bhunu ꞉aanaaye ku‑bhuturo bhwaye obhukuru.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.

Baeburania 12:24

Emwe mwakingire ku‑Yeesu, unu kaagwatanya abhaanu na Nyamuwanga mu‑ndagano inyaaya. Ka wone mwakingire ku‑sagama yaaye inu ꞉yeetikire ku‑musarabha inguru ya okusoosya‑wo ebhibhiibhi bhyeswe. Isagama eyo itakutonga okusubhya orusiima rwa isagama ya Abheeri.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Baeburania 7:22

Mbe, kwa okubha Nyamuwanga ꞉aarayiiye kutyo, Yeesu niwe omwangarisi wa indagano inyaaya inu iri ya kisi muno okukira irya ya omwanya gwa Muusa.

Baeburania 8:13

Omwanya gunu Nyamuwanga ꞉aayikire ati, indagano inyaaya inu, keeresya ati indagano ya okwamba yakokoowe. Mbe echiinu choonechoone chinu chakokoowe na okuseeseka, chiri yeeyi okuwaa‑wo.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Yoana 1:1

Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.