2 Bakorinto 3:18 - Indagano Inyaaya mu-Chijita

¹⁸ Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

INDAGANO INYA:YA

¹⁸ Nawe eswe bo:ne, citaswikiye busu, ecirora rikusyo rya Ratabugenyi rwa mwirore, niciindurwa okususana no mwene, nicongesibwako rikusyo kwikusyo rwa rinu riso:kere ku Ratabugenyi, niwe Omwoyo.

2 Bakorinto 3:18 ပူးပေါင်းရင်းမြစ်များ

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 12:41

Iisaya ꞉aayikire emisango ejo inguru ya Yeesu, kwa okubha ꞉aarorere rikusyo ryaye.

Yowana 17:22

Rikusyo rinu ꞉waanaaye, anye wone naayaana abheeyigisibhwa bhaani, korereki bhabhe chiinu chimwi, rwa kutyo anye na awe chiri chiinu chimwi.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Barumi 13:14

Tari woori, mu‑bhurame bhwemwe bhwone, mutangasibhwega na Raatabhugenyi Yeesu Kirisito. Mwasiga okwikirisya noorwo na akatyari okutangasibhwa na obhusimukwa bhwemwe bhwa echibhiibhi kwa okuruubha okurigira kwemwe okubhiibhi.

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

Barumi 8:4

korereki emisango joone ja obhurengeresi jinu ejitongwa mu‑bhiraagiro jikuumisibhwe na Kirisito inguru yeeswe. Eswe echitangasibhwa na Mwoyo Mweru, na chitakutangasibhwa rindi na obhusimukwa bhweswe bhwa echibhiibhi.

Barumi 8:7

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abho ni bhasoko bha Nyamuwanga. Bhatakugayuka echiraagiro chaaye, ka wone bhatakutura okuchigayuka.

1 Bakorinto 13:12

Ebhiinu bhinu echirora woori, echibhirora mw‑irore wuti bhiri mu‑rukoowa, nawe omwanya gunu oguuja chiribhirora bhyone abhwerubhweru. Woori enimenya kutooto era, nawe omwanya gunu oguuja nirimenya kisi rwa kutyo anye nimenyerwe na Nyamuwanga.

1 Bakorinto 15:49

Rwa kutyo echisusana na Adaamu, unu ꞉aamogerwe, nyabhuriko chirisusana na Kirisito, unu ꞉aasookereeye mu‑rwire.

2 Bakorinto 3:17

Woori, Raatabhugenyi ni Mwoyo, na anu Mwoyo wa Raatabhugenyi ari, awo niwo bhuri bhwitaage.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

Bakolosai 3:10

na mufwaye bhumuunu obhuyaaya. Nyamuwanga omwene niwe ꞉aabhumbire bhumuunu obhuyaaya obhwo na kaagenderera okubhukora bhususane nage kata, korereki mumusombookerwe kisi.

1 Timoteo 1:11

Ameeyigisyo ago agabhonekana mu‑Misango ja Ekisi, jinu ejeeresya rikusyo rya Nyamuwanga wa amabhando goone. Emisango ejo nijo ꞉naayaaywe na Nyamuwanga nijiraasye.

Tiito 3:5

꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

Yakobo 1:23

Omuunu unu kaategeresya omusango gwa Nyamuwanga, nawe atakukora kutyo ogwenda akore, oyo kaasusana rwa omuunu unu keerora obhusu bhwaye mw‑irore.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.