2 Bakorinto 3:1 - Indagano Inyaaya mu-Chijita

¹ Angu, echaamba rindi okwikondya kw‑imwe? Amwi echikenwa okubhona jinyarubha ja okwimenyesya kw‑imwe, amwi eja okusooka kw‑imwe, rwa abhaanu abhandi?

INDAGANO INYA:YA

¹ ?Mbe ecamba rindi okwikuya eswe abe:ne:ra? ?Tere amwi cikenere jinyaruba ja jikuma kwimwe rwa bandi, tere amwi jinu ejiso:ka kwimwe?

2 Bakorinto 3:1 ပူးပေါင်းရင်းမြစ်များ

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Barumi 16:1

Eneenda okumenyesya omuyara waasu Fiibhi. Omwene ni mukosi wa rikanisa rinu riri mu‑musi gwa Keekereya.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

1 Bakorinto 16:3

Omwanya gunu nirikinga eyo, nirituma na jinyarubha ja okumenyesya abhaanu bhanu muryawura korereki bhasire obhusoroosya obhwo mw‑ikanisa rya Yerusareemu.

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

1 Bakorinto 4:15

kwa okubha noorwo kutyo muri na abheeyigisya bhaafu muno bhanu abhabhaangarira mu‑Kirisito, esomwana ni umwi. Anye naariga niri esomwana mu‑Kirisito Yeesu, kwa okubharaasisya Emisango ja Ekisi.

2 Bakorinto 10:12

Eswe chitakuregeeja okwituura mu‑chise chimwi, amwi okwiringʼaanya na abhaanu bhanu abheekondya abheene. Abheene ni bhamuumu, kwa okubha abheekora wuti niyo indengo ya okwirengera abheene kwa abheene na okwiringʼaanya abheene kwa abheene.

2 Bakorinto 10:18

Obhugajuro bhwagwo ni ati, omuunu woonewoone unu keekondya omwene atakwikirisibhwa, tari unu Raatabhugenyi kaamukuuya, niwe keekirisibhwa.

2 Bakorinto 10:8

Noorwo kutyo eniikuuya muno inguru ya obhuturo bhunu Raatabhugenyi achiyaaye, nawe nitakurora swaro kwa okubha obhuturo obhwo bhutari bhwa okubhanyamura, tari ni bhwa okubharumatanya mu‑riikirisya.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 5:12

Jitari ati echiregeeja okwikondya rindi kw‑imwe, tari cheenda okubhayaana omwanya gwa okwikuuya inguru yeeswe. Echeenda mubhe na obhuturo bhwa okusubhya abhaanu bhanu abheekuuyisya emisango jinu ejibhonekana, nawe jitari jinu jiri mu‑myoyo jeebhwe.