2 Bakorinto 2:14 - Indagano Inyaaya mu-Chijita

¹⁴ Nawe echisiima Nyamuwanga, kwa okubha kaachitangasya omwanya gwone ku‑muroobho gwa okusandabhira obhuyigi bhwa Kirisito. Ka wone kaachikora chiraasye obhumenyi bhwa emisango inguru ya Kirisito bhuri rubhaara, rwa orurango rwa ekisi kutyo oruswirana mbaara joone.

INDAGANO INYA:YA

¹⁴ Nawe Nyamuanga asi:mwe unu kacikora niciiga mu Kristo kusiku, nakora mwiswe okuswisya orurango rwo kumumenya wone wone.

2 Bakorinto 2:14 ပူးပေါင်းရင်းမြစ်များ

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

Barumi 8:37

Nawe noorwo araabha ejo joone ejichiija‑ko, eswe echigenderera okuyiga, kwa okubha Kirisito acheendere.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

1 Bakorinto 15:37

Imbibho inu owuyamba, ibhe ya ingano amwi imbibho eyindi, jitakususana na echiimesya chaayo.

1 Bakorinto 15:57

Nawe chisiime Nyamuwanga. Omwene kaachiyaana obhuyigi okutura ku‑Raatabhugenyi weeswe Yeesu Kirisito.

2 Bakorinto 1:11

Emwe musakirane na eswe mu‑kuchisabhirwa ku‑Nyamuwanga. Omwene koongwa risabhwa ryemwe na okuchiyaana amabhando. Kutyo, abhaanu bhaafu bharisiima Nyamuwanga inguru yeeswe, bhaakoongwa ati, aachiyaana obhwitiriranya okuruubhana na risabhwa ryemwe.

2 Bakorinto 8:16

Enisiima Nyamuwanga unu ayaaye Tiito omwoyo gwa okubhasakira, rwa gunu anye wone niri nagwo.

2 Bakorinto 9:15

Chisiimega Nyamuwanga ku‑chiyaanwa echinene cha okuruguusya, chinu achiyaaye.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Baefeso 5:20

Bhuri rusuku, kw‑isiina rya Raatabhugenyi weeswe Yeesu Kirisito, musiimega Raata Nyamuwanga ku‑bhuri chiinu.

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

Bakolosai 2:15

Ku‑njira ya omusarabha, Nyamuwanga ˆnaateesya obhutungi na abha obhuturo mu‑chaaro chinyatarorwa, ˆnaabhayiga kwa risandabha, ˆnaabhaswasya abhwerubhweru.

1 Batesalonika 1:8

Okusookana na emwe, abhaanu ꞉bhoonguuwe Emisango ja Ekisi inguru ya Raatabhugenyi Yeesu. Itari ku‑bhaanu bha Makedooniya na Akaaya era, tari eriikirisya ryemwe ku‑Nyamuwanga rimenyekeene bhuri rubhaara. Kurwa ejo, eswe chitakunyaaka okubhwira abhaanu inguru ya eriikirisya ryemwe.

1 Batesalonika 3:9

Nyamuwanga weeswe achiyaaye rikonderwa enene muno ku‑songa yeemwe! Chitakutura wuri noorwo na akatyari okusoosya risiima rya echimari inguru ya rikonderwa ryone eryo imbere yaaye.

1 Timoteo 2:8

Kurwa ejo, bhuri rubhaara runu omwikumanya okusabhwa, eneenda abharume bhasabhwega bheenamusiisye amabhoko inguru. Bhakore kutyo kwa omutima omweru, okubhiyirwa wuri noorwo okubhambasyanya.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

Obhusweruro 7:12

nibhaayikaga ati, “Jibhe kutyo! Jikuma na rikusyo, obhwengeeso na risiima, echibharo na obhuturo na amanaga bhiri ku‑Nyamuwanga weeswe akajaanende koone. Jibhe kutyo!”