2 Bakorinto 13:6 - Indagano Inyaaya mu-Chijita

⁶ Nawe eniiyikanya ati, omuja okusombookerwa ati, eswe chitataamiibhwe okukingira indengo.

INDAGANO INYA:YA

⁶ Nawe eniikanya ati, murimenya ati eswe citaremerwe.

2 Bakorinto 13:6 ပူးပေါင်းရင်းမြစ်များ

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

2 Bakorinto 13:10

Enibhakaamira emisango jinu nichaari okubhaaja‑ko eyo, korereki omwanya gunu niribhaaja‑ko, naasiga okusongʼana emisango jinu jirireterera nibhe omururu kabhukabhu kw‑imwe noorwo okukingira okukorera emirimu obhuturo bhunu Raatabhugenyi ꞉aanaaye. Obhuturo obhwo, bhutari bhwa okubhanyamura, tari ni bhwa okubharumatanya mu‑riikirisya.

2 Bakorinto 13:5

Woori mwirenge emwe abheene, korereki mumenye araabha muri na eriikirisya. Mwitatirisye emwe abheene, angu, mutakumenya ati Yeesu Kirisito ari mu‑myoyo jeemwe? Araabha jitari kutyo, awo niwo omumenya ati, obhutatirisi bhwemwe, bhwataamibhwa okukingira indengo ya eriikirisya.

2 Bakorinto 13:7

Echisabhwa Nyamuwanga ati, mwasiga okukora omusango omubhiibhi gwonegwone, jitari ati, kwa okubha eswe echeenda chibhonekane ati chaakuumisiisye indengo eyo. Tari echeenda emwe mukore ja ekisi, noorwo kutyo ejibhonekana ati eswe chaataamibhwa.