2 Bakorinto 13:5 - Indagano Inyaaya mu-Chijita

⁵ Woori mwirenge emwe abheene, korereki mumenye araabha muri na eriikirisya. Mwitatirisye emwe abheene, angu, mutakumenya ati Yeesu Kirisito ari mu‑myoyo jeemwe? Araabha jitari kutyo, awo niwo omumenya ati, obhutatirisi bhwemwe, bhwataamibhwa okukingira indengo ya eriikirisya.

INDAGANO INYA:YA

⁵ Mwisake emwe abene araba muri mu kwikirisya, mwiregeje abe:ne. ?Tere amwi mutakwimenya ati Yesu Kristo ari mwimwe, tari muremerwe?

2 Bakorinto 13:5 ပူးပေါင်းရင်းမြစ်များ

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

Yowana 15:4

Mubhega na obhumwi na anye, anye wone enija okubha na obhumwi na emwe. Rwa kutyo ritabhi ritakutura okutwasya amatwasyo eryene era rikabha ritari kw‑iti rya rijabhiibhu, nikwo kutyo emwe wone mutakutura okukora okwenda kwa Nyamuwanga mukabha mutari kw‑anye.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 6:56

Omuunu woonewoone unu kaarya omubhiri gwani na okunywa isagama yaani, oyo kaabha na obhumwi na anye, anye wone enibha na obhumwi nage.

Yowana 6:6

Yeesu ꞉aabhuusiisye Firipo kutyo, korereki amuregeeje. Okubha Yeesu aariga amenyere omusango gunu kaja okukora.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 8:10

Woori, Kirisito eekaaye mu‑myoyo jeemwe. Kurwa ejo, noorwo araabha emibhiri jeemwe ejifwa okuruubhana na ebhibhiibhi, Mwoyo Mweru kaabhayaana obhuwanga, kwa okubha Nyamuwanga kaabhabhara ati muri bharengeresi imbere yaaye.

1 Bakorinto 11:28

Kutyo, bhuri muunu eetatirisye omwene, niwo arye omukaate na okunywera omutawo ogwo.

1 Bakorinto 11:31

Araabha chikeetatirisiisye eswe abheene, Nyamuwanga atakachiramuuye.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

1 Bakorinto 6:15

Mutakumenya ati emibhiri jeemwe, ni bhiwuga bhya omubhiri gwa Kirisito? Woori, nigege omubhiri gwani, gunu guri chiwuga cha omubhiri gwa Kirisito, na okugugwatanya na omubhiri gwa omugasi unu keegusya okwibhonera ribhona? Wuri, noorwo na akatyari!

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

1 Bakorinto 6:2

Mutakumenya ati emwe abhaanu bha Nyamuwanga neemwe muriramura echaaro chinu? Woori, araabha emwe muriramura echaaro chinu, kurwa ki mutaamiibhwe okuramura echiina echaangu agati yeemwe?

1 Bakorinto 9:24

Mutakumenya ati abhaanu bhanu abhayaajana mu‑kubhirima, abhabhirima bhoone, nawe unu kaaramira echiyaanwa ni umwi wenyere? Woori mubhe nimubhirima muno, korereki muramire echiyaanwa.

1 Bakorinto 9:27

Tari eninyaasya na okunasya omubhiri gwani okwigumiirisya, korereki nikamara okuraasisya abhaanu Emisango ja Ekisi, anye omwene naasiga okuremwa imbere ya Nyamuwanga.

2 Bakorinto 6:16

Bhuri‑wo obhungwani ki agati ya riyekaru rya Nyamuwanga na amasusano ga amasambwa? Eswe chiri riyekaru rya Nyamuwanga omuwanga! Jiri rwa kutyo Nyamuwanga omwene ꞉aayikire ati, “Niriikara aamwi nabho na okuribhata agati yeebhwe. Niribhaga Nyamuwanga weebhwe, abheene wone bharibhaga abhaanu bhaani.”

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Bagalatia 4:19

Abhaana bhaani mu‑riikirisya, anye enirumwa obhusungu rindi inguru yeemwe, rwa kutyo omugasi unu afugaaye kaarumwa obhusungu omwanya gwa okwibhura. Eniiyungwa kutyokutyo, okukingira anu itungwa ya Kirisito iribhonekana mu‑tungwa jeemwe.

Bagalatia 6:4

Nawe bhuri muunu aringire jitungwa jaaye omwene. Araabha omuunu kaakora ja ekisi, niwo kaatura okwikuuya inguru ya emisango ja ekisi jinu akorere, noorwo aasiga okwiringʼaanya na emisango jinu omuunu owundi akorere.

Baefeso 3:17

korereki Kirisito akore obhwikaro bhwaye mu‑myoyo jeemwe ku‑njira ya eriikirisya. Enimusabhwa wone, abhasakire korereki murumatane ndi mu‑ryenda ryaye. Kutyo, eryenda ryaye riribha rwa risina na orufuka rwa obhurame bhwemwe,

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Bakolosai 2:19

Abhaanu abho bheekindikire okusooka ku‑Kirisito omutangasya wa rikanisa, niwe omutwe gwa omubhiri gwaye. Kirisito niwe kaariisya na okugwatanya aamwi ebhiwuga na jinga joone. Ku‑njira eyo, omubhiri gwaye gwone ogukura kisi rwa kutyo Nyamuwanga keenda.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

1 Timoteo 2:15

Nawe omugasi arichungurwa ku‑njira ya orwibhuro rwaye, akagenderera okwikomeesya mu‑riikirisya, mu‑ryenda, mu‑bhweru na okwiyingirira.

2 Timoteo 3:8

Abheeyigisya bha orubheeyi bhanu, abheengira kwa obhwiro bhwa ebhibhiibhi, abhayingirira echimari. Abhakora rwa kutyo Yaane na Yambure bhaayaajanaga na Muusa. Abhaanu abho obhwenge bhwebhwe bhunyamukire, bharemere okwikirisya Nyamuwanga.

Tiito 1:13

Obhubhambaasi obhwo ni bhwa echimari. Kurwa ejo, gonya kwa obhururu muno abheeyigisya bha orubheeyi abho, korereki eriikirisya ryebhwe rirumatane mu‑meeyigisyo ga echimari.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Tiito 2:2

Iyigisya abhakaruka, bhabhe abheeyingirisi, bhabhe bha echibharo, bhabhe na obhwengeeso, bhabhe bharumateene chimwichimwi mu‑riikirisya, mu‑ryenda na mu‑bhwigumiirisya.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

Baeburania 6:8

Nawe iisi inu eyimesya amawa na amagorogoro, itakusakira abharimi omusango gwonegwone, na iri yeeyi okwiyiimwa na Nyamuwanga. Obhuteero bhwayo ni okwochiibhwa mu‑muriro.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

1 Petero 5:9

Mbe, mureme Syetaani, murumatane mu‑kwikirisya Nyamuwanga. Mumenye ati, abheekirisya abheejaanyu ku‑chaaro choone, wone abhanyaaka rwa emwe.

Obhusweruro 2:5

Mwichuke kutyo mwariga muchaari okusiga eryenda ryemwe. Mukamara mute ebhibhiibhi bhyemwe, mukore rindi jinu mwariga nimukora omwanya gurya. Mukarema okuta, niribhaaja‑ko na okusoosya‑wo omutereko gwemwe gwa okutuura‑ko jidara.