2 Bakorinto 13:11 - Indagano Inyaaya mu-Chijita

¹¹ Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

INDAGANO INYA:YA

¹¹ Ku bute:ro, bama ba:su, mubega kwa bwanabwana. Muku:mire, musi:ri:ke, mwiganirisyega gumwi. Mube no murembe, na Nyamuanga wo kwenda no murembe arabaga nemwe.

2 Bakorinto 13:11 ပူးပေါင်းရင်းမြစ်များ

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

Mariko 10:49

Niwo Yeesu ˆneemereeguru ˆnaayika ati, “Mumubhirikire aaje anu.” Nibhabhirikira omuwofu wurya, nibhamubhwira ati, “Siiriika, imereeguru! Kaakubhirikira.”

Mariko 9:50

Omuunyu ni gwa kisi, nawe gukabhurwa obhusambaaruke, ogutura kutiki okubhona obhusambaaruke bhwagwo rindi? Emwe mubhe rwa omuunyu gunu gusambaarukire, mubhe na omurembe abheene kwa abheene.”

Ruuka 9:61

Omuunu owundi, ˆnaabhwira Yeesu ati, “Raatabhugenyi, anye enija okukuruubha. Nawe okwamba, nuunyikirisisye nigende nirage abhaanu bha iika.”

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Ebikorwa 15:29

Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 23:30

Mbe, nejire naabhwirwa ati bhamuromeeye iniku, nikwo okukora naamutuma kw‑awe awoawo. Naabhwira abhasoko bhaaye wone bhaaje korereki bhaayike echiina cheebhwe cha okumusitaaka kw‑awe.”

Barumi 12:16

Mwikare kwa obhwira bhumwi emwe abheene kwa abheene. Kutyo, musigega okwikuuya, tari mwikeeyega, mubhega na obhusangi na abhaanu abha obhukene. Musigega okwirora ati neemwe abha obhwenge era.

Barumi 12:18

Mbe, rwa kutyo ejiturikana, emwe ku‑rubhaara rwemwe, mubhe na omurembe na abhaanu bhoone.

Barumi 14:19

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 15:33

Nyamuwanga unu kaabhayaana omurembe, abhe aamwi na emwe bhoone. Jibhe kutyo.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

1 Bakorinto 1:10

Woori, abhayiri bhaani mu‑riikirisya, enibheerembeeresya kw‑isiina rya Raatabhugenyi weeswe Yeesu Kirisito ati, mwasiga okutaasyanya mu‑nyaayika. Kwasiga okubha‑wo okwawukana agati yeemwe, tari mubhe na obhumwi ku‑jinu omukararira na ku‑jinu omwiganirisya.

2 Bakorinto 1:4

Omwene kaachifungʼamya mu‑bhinyaasyo bhyeswe bhyone, korereki eswe wone chiture okufungʼamya abhandi bhanu bhari mu‑bhinyaasyo bhya bhuri mbaga, rwa kutyo eswe echifungʼamibhwa na Nyamuwanga.

2 Bakorinto 13:9

Eswe echikonderwa kwa okubha chiri bhajorobhoke, nawe emwe muri na amanaga. Echisabhwa Nyamuwanga abhasakire mubhega mukuumiiye mu‑riikirisya.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Baefeso 4:3

Mukomeere okurinda obhumwi bhunu Mwoyo Mweru kaabhayaana. Omurembe gubhe rwa orugoye runu orubhabhoya aamwi.

Baefeso 6:23

Omurembe gubhe neemwe, emwe abhayiri bheeswe, na eryenda aamwi na eriikirisya, okusooka ku‑Raata Nyamuwanga na ku‑Raatabhugenyi Yeesu Kirisito.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 3:16

Echiinu cha bhusibhusi woori ni ati echikenwa okuruubha jinu Nyamuwanga aacheeresiisye.

Bafilipi 4:2

Eniirembeeresya muno Ewodiya na Sitiike, bhabhe na obhwira bhumwi kwa okubha abheene abharuubha Raatabhugenyi Yeesu.

Bafilipi 4:4

Mukonderwe siku joone kwa okubha emwe muri na obhumwi na Raatabhugenyi Yeesu, enaayika rindi ati mukonderwe!

Bafilipi 4:9

Mugenderere okukora jinu ꞉mweeyigiiye, jinu ꞉mwaramiiye, jinu ꞉mwoonguuwe okusooka kw‑anye na jinu ꞉mwarorere ninkora. Niwo, Nyamuwanga unu kaabhayaana omurembe arigenderera okubha aamwi na emwe.

1 Batesalonika 3:10

Echisabhwa Nyamuwanga muno bhuri rusuku, mu‑ngeta na mu‑mwisi ati, achisakire chibhagosorere. Echikena chibhugane na emwe, korereki chibhasakire anu eriikirisya ryemwe rigerukire.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

1 Batesalonika 4:18

Kurwa ejo, mugenderere okusimbiisyanya abheene kwa abheene kwa emisango ejo.

1 Batesalonika 5:13

Mubhayaane echibharo na mubheende muno okuruubhana na emirimu jeebhwe ja okubhasakira emwe echinyamwoyo. Ka wone murame kwa omurembe, emwe abheene kwa abheene.

1 Batesalonika 5:16

Mubhe na rikonderwa bhuri rusuku,

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

2 Batesalonika 3:1

Woori abhayiri bheeswe, muchisabhirwe korereki Emisango ja Ekisi inguru ya Raatabhugenyi Yeesu, jigenderere okuswirana bhwangu na abhaanu bhajiramire kwa echibharo, rwa kutyo jaariga jiri kw‑imwe.

2 Batesalonika 3:16

Woori, Raatabhugenyi Yeesu omwene unu ari obhwambiro bhwa omurembe, abhayaanega omurembe omwanya gwone ku‑njira joone. Omwene abhe aamwi na emwe bhoone.

2 Timoteo 2:22

Wiiruke obhurigire bhwa echisigaji, uruubhega rirenga, eriikirisya, eryenda na omurembe. Ugwatirire ejo, aamwi na bhoone bhanu abhasabhwa Raatabhugenyi kwa omutima omweru.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Yakobo 1:4

Omukenwa mugenderere okwigumiirisya okukingira ku‑bhuteero, korereki mubhe mukuumiiye chimwi, mutagerukiiywe wuri echiinu choonechoone.

1 Petero 3:11

Asige okukora ebhibhiibhi, akore ja ekisi. Ka wone eekomeesye okubha na omurembe aamwi na abheejaabho,

1 Petero 3:8

Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

Obhusweruro 22:21

Obhwitiriranya bhwa Raatabhugenyi Yeesu bhubhe aamwi na emwe bhoone. Jibhe kutyo.