2 Bakorinto 12:15 - Indagano Inyaaya mu-Chijita

¹⁵ Anye enikondererwa okusoosya ebhiinu bhyani noorwo okwisoosya anye omwene, korereki nibhasakire. Nawe ejibhonekana ati, omwanya gunu anye enigenderera okubheenda muno, niwo emwe omugerura eryenda ryemwe kw‑anye.

INDAGANO INYA:YA

¹⁵ Mbe enikonderwa okugaba no kwigaba kurwe myoyo jemwe. ?Nikasagirisya okubenda muno, omunyenda kutoito?

2 Bakorinto 12:15 ပူးပေါင်းရင်းမြစ်များ

Barumi 9:3

ku‑songa ya abhaanu bha riyanga ryani. Araabha jikaturikeene, anye omwene nikeekirisiisye okwiyiimwa na okukindikwa na Kirisito, araabha okukora kutyo kukabheeye nikusakira abhayiri bhaani abho bheekirisye Kirisito.

2 Bakorinto 1:14

noorwo kutyo woori, omuchisombookerwa kutooto era. Omuja okuchisombookerwa abhwerubhweru ati, orusuku runu Raatabhugenyi weeswe Yeesu arisubha, emwe murikuuya inguru yeeswe, rwa kutyo eswe wone echikuuya inguru yeemwe.

2 Bakorinto 1:6

Omwanya gunu echinyaasibhwa, echinyaasibhwa inguru ya okufungʼamibhwa kwemwe na obhuchungusi bhwemwe. Ka wone, omwanya gunu eswe echifungʼamibhwa, niwo emwe wone omusimbiisibhwa. Okusimbiisibhwa okwo okukora mwigumiirisye mu‑bhinyaasyo bhiryabhirya bhinu eswe wone echinyaasibhwa.

2 Bakorinto 11:11

Nitakwayika kutyo kwa okubha nitakubheenda. Nyamuwanga kaamenya ati enibheenda.

2 Bakorinto 12:14

Woori enitengeeja niije kw‑imwe eyo rwa kasatu, nawe nitaribha omugugu kw‑imwe. Nitakwenda ebhiinu bhyemwe, tari eneenda emwe abheene. Enaayika kutyo kwa okubha abhaana bhateeyire nibho bhabhiike ebhiinu inguru ya bheebhusi bheebhwe, tari abheebhusi nibho abheendwa bhabhiike ebhiinu inguru ya abhaana.

2 Bakorinto 12:9

Nawe omwene ˆnaambwira ati, “Obhwitiriranya bhwani bhukwiyire, kwa okubha amanaga gaani agabhuurisibhwa mu‑bhujorobhoke.” Kurwa ejo, niribhaga niniikuuya kw‑ikonderwa enene inguru ya obhujorobhoke bhwani, korereki amanaga ga Kirisito gabhe aamwi na anye.

2 Bakorinto 2:3

Eyo niyo isonga inu ꞉yaakorere nimbakaamira ku‑nyarubha irya ati nitakubhaaja‑ko, naasiga okusurumbasibhwa na emwe, bhanu mwenderwe okunkora nikonderwe. Nimenyere chimari ati, anye nikakonderwa, emwe bhoone wone omukonderwa.

2 Bakorinto 4:12

Mbe, ku‑songa eyo, eswe chiri mu‑ngʼanga ya okufwa, nawe emwe omubhona obhuwanga.

2 Bakorinto 7:2

Muchiyaane omwanya mu‑myoyo jeemwe, kwa okubha ꞉chitaakayiiye omuunu woonewoone, ꞉chitaayabhyisye woonewoone, ka wone ꞉chitaajigire woonewoone.

2 Bakorinto 7:3

Nitakwayika emisango ejo okubharamura, kwa okubha naamarire okwayika ati, emwe muri mu‑myoyo jeeswe, chiri aamwi na emwe noorwo ikabha ati ni kurama aamwi, amwi ati ni kufwa aamwi.

Bagalatia 4:10

Kurwa ki omufurubhenda na okukuumisya jitungwa ja Echiyawudi ja jisiku, ameesi, emyanya na emiguuga? Omwitogera ati ku‑njira eyo omuyaana Nyamuwanga echibharo?

Bafilipi 2:17

Noorwo ikabha ati isagama yaani eyisoosibhwa rwa echoogo ku‑chigabhiro, aamwi na eriikirisya ryemwe rinu erikorwa echoogo imbere ya Nyamuwanga, anye enikonderwa na okusandabha aamwi na emwe bhoone.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

1 Batesalonika 2:8

꞉Chaabheendere muno. Ka wone, ꞉chaakondeeywe, jitari kwa okubharaasisya Emisango ja Ekisi okusooka ku‑Nyamuwanga era, tari na okwisoosya okukora joone jinu ejikenwa korereki okubhasakira. ꞉Chaakorere kutyo, kwa okubha emwe muri bheendwa bheeswe.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.