2 Bakorinto 12:14 - Indagano Inyaaya mu-Chijita

¹⁴ Woori enitengeeja niije kw‑imwe eyo rwa kasatu, nawe nitaribha omugugu kw‑imwe. Nitakwenda ebhiinu bhyemwe, tari eneenda emwe abheene. Enaayika kutyo kwa okubha abhaana bhateeyire nibho bhabhiike ebhiinu inguru ya bheebhusi bheebhwe, tari abheebhusi nibho abheendwa bhabhiike ebhiinu inguru ya abhaana.

INDAGANO INYA:YA

¹⁴ Rora, ndwa kasatu woryanu nimaririye okuja kwimwe, amwi nitaribatamirisya, okuba nitakuyenja byemwe, tari:mwe. Okuba kute:ire aba:na okubi:kiraga abe:busi, nawe abebusi nibo be:ire okubi:kiraga aba:na.

2 Bakorinto 12:14 ပူးပေါင်းရင်းမြစ်များ

Ebikorwa 20:33

꞉Niteegombere jipirya ja omuunu woonewoone, noorwo inaaryo, noorwo emyenda jaaye.

1 Bakorinto 10:24

Omuunu aasiga okwigana jinu ejisakira omwene era, tari eegane jinu ejisakira abheejaabho.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

1 Bakorinto 11:34

Araabha omuunu ari na omweko, aryega iika ewaaye, korereki okwikumanya kwemwe aamwi, kwasiga okukora muramurwe. Amaragiriro agandi ganu gasigaaye, niribhayaana omwanya gunu niriija.

1 Bakorinto 16:5

Niribhaaja‑ko eyo, omwanya gunu nirisooka mu‑mukoowa gwa Makedooniya, kwa okubha eneenda niture Makedooniya okwamba.

1 Bakorinto 4:19

Nawe Raatabhugenyi aakeenda, niribhaaja‑ko bhwangu. Awo niwo nirimenya araabha abhaanu bhanu abheekuuya abhaayika era amwi bhari na amanaga.

1 Bakorinto 9:12

Araabha abhandi bheeyire okubhona ebhiinu rwa ebhyo okusooka kw‑imwe, woori eswe, chiteeyire muno okuyaanwa ebhiinu ebhyo? Nawe eswe ꞉chitaatongere bhinu chiiyire okuyaanwa na emwe, tari cheegumiirisya mu‑joone, korereki chaasiga okuyingirira abhaanu okwikirisya Emisango ja Ekisi inguru ya Kirisito.

1 Bakorinto 9:18

Woori echiyaanwa chaani niki? Echiyaanwa chaani nicho okuraasya Emisango ja Ekisi okuriywa wuri, okutonga wuri, chinu niiyire okuyaanwa inguru ya okuraasya Emisango ejo.

1 Bakorinto 9:19

Anye nitari mugaya wa omuunu woonewoone, niri mwitaage. Nawe niiteeye‑wo okubha omugaya wa abhaanu bhoone, korereki okusakira abhaanu bhaafu bheekirisye Kirisito.

2 Bakorinto 1:15

Naariga niri na obhwiyikanyo obhwo, nikwo okukora naariga nineenda okukinga kw‑imwe eyo okwamba, korereki mubhone ribhando rya okugosorerwa na anye orwa kabhiri.

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 12:13

Gutari‑wo omusango gwonegwone gunu ꞉naakorere mu‑makanisa agandi, gunu nitakorere kw‑imwe. ꞉Naataamiibhwe okukora omusango gumwi era, anye nitaabheeye omugugu kw‑imwe. Araabha obhwo nibhwo obhubhiibhi bhwani, munfwire echigongo!

Bagalatia 4:19

Abhaana bhaani mu‑riikirisya, anye enirumwa obhusungu rindi inguru yeemwe, rwa kutyo omugasi unu afugaaye kaarumwa obhusungu omwanya gwa okwibhura. Eniiyungwa kutyokutyo, okukingira anu itungwa ya Kirisito iribhonekana mu‑tungwa jeemwe.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 4:17

Nitakwayika kutyo kwa okubha enikena okuramira ebhiinu okusooka kw‑imwe, wuri. Tari eneenda nirore amabhando ganu Nyamuwanga aribhoongesya inguru ya obhufura bhwemwe.

1 Batesalonika 2:11

Omwichuka ati, omwanya gunu chaariga chiri kw‑imwe, chaakoreraga bhuri umwi weemwe rwa kutyo omwibhusi wa echirume kaakorera abhaana bhaaye. Chaariga nichibhakomeesya emyoyo, okubhasimbiisya na okubheerembeeresya,

1 Batesalonika 2:8

꞉Chaabheendere muno. Ka wone, ꞉chaakondeeywe, jitari kwa okubharaasisya Emisango ja Ekisi okusooka ku‑Nyamuwanga era, tari na okwisoosya okukora joone jinu ejikenwa korereki okubhasakira. ꞉Chaakorere kutyo, kwa okubha emwe muri bheendwa bheeswe.