2 Bakorinto 12:11 - Indagano Inyaaya mu-Chijita

¹¹ Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

INDAGANO INYA:YA

¹¹ Nabee mutamutamu, emwe mwansinyirisisye. Okuba nariga ni:ire okuku:ibwa nemwe. Kwo kuba nariga nitakirirwe na jintumwa je cibaro mu musango gwone, nakabee anye nitari ci:nu.

2 Bakorinto 12:11 ပူးပေါင်းရင်းမြစ်များ

Ruuka 17:10

“Nyabhuriko emwe wone, mukamara okukora joone jinu muragiriiywe na Nyamuwanga, mwayike ati, ‘Eswe chiri abhagaya era. Chaakora jinu chaari cheenderwe okukora.’”

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

1 Bakorinto 3:22

abhe Pawuro, abhe Apooro, amwi abhe Keefa. Ka wone Nyamuwanga abhayaaye ebhiinu bhyone okubhasakira, bhibhe bhya mu‑chaaro, amwi bhuwanga, amwi rufu, bhibhe bhinu bhiri‑wo woori, amwi bhinu bhiribha‑wo, bhyone ni bhyemwe.

2 Bakorinto 1:6

Omwanya gunu echinyaasibhwa, echinyaasibhwa inguru ya okufungʼamibhwa kwemwe na obhuchungusi bhwemwe. Ka wone, omwanya gunu eswe echifungʼamibhwa, niwo emwe wone omusimbiisibhwa. Okusimbiisibhwa okwo okukora mwigumiirisye mu‑bhinyaasyo bhiryabhirya bhinu eswe wone echinyaasibhwa.

2 Bakorinto 11:1

Noorwo araabha enaayika rwa omumuumu, enisabhwa muntegeresye‑wo kutooto. Mbe woori, muntegeresye!

2 Bakorinto 11:5

Anye nitakwirora ati niri mutooto okukira bhanu abheerora wuti nibho jitumwa jingʼuru.

2 Bakorinto 12:12

Omwanya gunu naariga niri kw‑imwe, ꞉neebhurisiisye okubha itumwa, kwa okubha ꞉naakorere ebhibharikisyo, ebhiruguusyo na ebhikorwa bhya amanaga kwa obhwigumiirisya bhwone.

2 Bakorinto 12:6

Noorwo araabha naakeendere okwikuuya, nitaakabheeye omutaamutaamu, kwa okubha naakabheeye ninaayika echimari. Nawe eniyingirira okwikuuya, korereki omuunu woonewoone aasiga okundora ati, niri wa ngʼoryo muno okukira jinu abharora na okuungwa okusooka kw‑anye.

2 Bakorinto 3:1

Angu, echaamba rindi okwikondya kw‑imwe? Amwi echikenwa okubhona jinyarubha ja okwimenyesya kw‑imwe, amwi eja okusooka kw‑imwe, rwa abhaanu abhandi?

2 Bakorinto 5:13

Araabha echibhonekana wuti chisarire, ni inguru ya Nyamuwanga, araabha obhwenge bhweswe bhukobhere, ni inguru yeemwe.

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.