2 Bakorinto 12:1 - Indagano Inyaaya mu-Chijita

¹ Neenderwe niikuuye, noorwo kutyo kutakusakira choonechoone. Nawe woori eneenda okwikuuya inguru ya ebhiroro na emisango ejindi jinu Raatabhugenyi answeruriiye.

INDAGANO INYA:YA

¹ Kunyiire okwiku:ya, nakabee kutakondere. Nawe enikinga mu biroro na mu kuswerurirwa kwa Ratabugenyi.

2 Bakorinto 12:1 ပူးပေါင်းရင်းမြစ်များ

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 18:14

Ku‑bhwambiro, Kayaafa oyo niwe ꞉aatongeeye abhatangasya bha Abhayawudi ati jiiyire omuunu umwi afwe inguru ya abhaanu bhoone.

Ebikorwa 18:9

Rusuku rumwi mu‑ngeta Raatabhugenyi ˆnaabhwira Pawuro mu‑bhiroro ati, “Siga okuubhaya, genderera okuraasya, siga okujibhira.

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

1 Bakorinto 10:23

Abhaanu abhandi agati yeemwe abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone jiri na omuriiro. Ka wone abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone ejisakira eriikirisya ryeswe rirumatane.

1 Bakorinto 14:6

Woori, abhayiri bhaani mu‑riikirisya, nikaaja kw‑imwe na okwayika jinyaayika jingenyi, omubhona omuriiro ki? Mutakubhona omuriiro gwonegwone. Nawe nikabhabhwira jinu Nyamuwanga answeruriiye, amwi nikabhayaana obhusombookerwa, nikasoosya obhuragi amwi nikeeyigisya, awo niwo omubhona omuriiro.

1 Bakorinto 6:12

Abhaanu abhandi agati yeemwe abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone jiri na omuriiro. Ka wone abhaayika ati, “Chiikirisiibhwe okukora bhuri chiinu chinu echeenda.” Nawe anye nitakuja okubha omugaya wa omusango gwonegwone.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 12:5

Woori inguru ya omuunu rwa oyo, enija okwikuuya. Nawe nitariikuuya inguru yaani omwene, tari inguru ya obhujorobhoke bhwani era.

2 Bakorinto 12:7

Nawe ꞉naayaaywe ebhinyaasyo mu‑mubhiri gwani bhinu bhiri rwa riiwa rinu erinsoma. Ebhinyaasyo ebhyo ni tumwa wa Syetaani unu ꞉aatumirwe annyaasye, korereki naasiga okwikuuya muno inguru ya emisango myafu ja okuruguusya jinu Raatabhugenyi answeruriiye.

2 Bakorinto 12:9

Nawe omwene ˆnaambwira ati, “Obhwitiriranya bhwani bhukwiyire, kwa okubha amanaga gaani agabhuurisibhwa mu‑bhujorobhoke.” Kurwa ejo, niribhaga niniikuuya kw‑ikonderwa enene inguru ya obhujorobhoke bhwani, korereki amanaga ga Kirisito gabhe aamwi na anye.

2 Bakorinto 8:10

Woori, inguru ya obhusoroosya obhwo, enibhatongera gunu gwiyire kw‑imwe. Omuguuga gunu guturire, mwariga muri bha okwamba okweresya obhwira bhwa okusoroosya na bha okwamba okukora kutyo.

Bagalatia 1:12

Okubha ꞉nitaajiyaaywe na omuunu woonewoone, noorwo ꞉nitaajiyigisiibhwe na omuunu woonewoone. Nawe Yeesu Kirisito omwene niwe ꞉ajinsweruriiye.

Bagalatia 2:2

꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.

Baefeso 3:3

Rwa kutyo nikaamire kwa emisango emitooto ku‑bhwambiro bhwa inyarubha inu, Nyamuwanga omwene ꞉aasweruuye obhutinge bhwa imbisike yaaye kw‑anye.

1 Batesalonika 4:15

Ameeyigisyo ga Raatabhugenyi Yeesu ganu echibhabhwira nigo ganu, abheekirisya bhanu bharamaamire nyombe, nibho bharitangata okubha aamwi na Raatabhugenyi omwanya gunu arisubha rindi, niwo eswe wone, bhanu chiribhaga chiri abhaanga chirigwatana aamwi nabho.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.