2 Bakorinto 11:9 - Indagano Inyaaya mu-Chijita

⁹ Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

INDAGANO INYA:YA

⁹ Na ao nariga niri aamwi nemwe, anu nakenere, nitatamirisisye mu:nu wo:ne, okuba aba:su banu basomere Makedonia banae binu nariga nikenere. Na mu jo:ne ne:rindire nisige kubatamirisya, ka nikwo kutyo nde:rindaga.

2 Bakorinto 11:9 ပူးပေါင်းရင်းမြစ်များ

Ebikorwa 18:3

kwa okubha Pawuro aakoraga emirimu ja okusona amayeema rwa abheene, ˆnaasigara eweebhwe awo na okukora emirimu aamwi nabho.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Ebikorwa 20:33

꞉Niteegombere jipirya ja omuunu woonewoone, noorwo inaaryo, noorwo emyenda jaaye.

Barumi 15:26

Abheekirisya bhanu bhari Makedooniya na Akaaya, ꞉bhaarorere ati ni kisi okusoroosya, korereki bhasakire abheekirisya abhataka bhanu bhari Yerusareemu erya.

1 Bakorinto 16:17

꞉Naakondeeywe muno Sitefwana, Foritunaato na Akayiko, bhunu ꞉bhaakingire anu. Abheene bhaangosorera, bhaakuumisya jinu naari nigerukiiywe kwa okurema okubha‑wo emwe.

2 Bakorinto 6:4

Tari, echeeresya mu‑misango joone ati, eswe chiri bhakosi bha Nyamuwanga. Echiigumiirisya muno mu‑bhinyaasyo, mu‑nyaako na mu‑bhukomeeye,

2 Bakorinto 9:12

Jiribha kutyo, kwa okubha omurimu gwa obhufura gunu omukora, gutakusakira abheekirisya bha Yerusareemu bhanu bhakeeyeeywe era, tari ogukora abhaanu bhaafu bhasiime Nyamuwanga muno.

Bafilipi 2:25

Emwe, ꞉mwatumire Epafurodiito kw‑anye okusankira na okufurubhendera obhukene bhwani. Woori, enirora ati ni kisi nimutume rindi kw‑imwe. Omwene ni mwikirisya oweejaasu, omukosi weejaasu wa emirimu ja Nyamuwanga na ni musirikare oweejaasu mu‑kurwanirira Emisango ja Ekisi.

1 Batesalonika 2:6

Eswe chaariga chitakukena abhaanu bhachikuuye, ka wone chaariga chitakukena emwe noorwo abhaanu abhandi bhoone bhachikuuye. Noorwo kutyo eswe chiri jitumwa ja Kirisito, chaakeendere ebhiinu ebhirebhe okusooka kw‑imwe, nawe ꞉chitaakorere kutyo.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

Baeburania 11:37

Ka wone abhandi ꞉bhaabhumirwe kwa amabhuyi okukingira okufwa, abhandi nibhabhuturwa kwa emisumeeno, na abhandi ꞉bheetirwe kwa imbanda. Abhandi bheeyindayindaga bhafwaye jinjayi ja jinaama na eja jimbusi. Ni bhaanu bhataka bhanu ꞉bhaanyaasiibhwe na okukorerwa amabhiibhi maafu.