2 Bakorinto 11:28 - Indagano Inyaaya mu-Chijita

²⁸ Aamwi na ejo joone, bhuri rusuku enisitoyerwa na emirimu jaani ku‑makanisa goone.

INDAGANO INYA:YA

²⁸ No kusiga ebyo ebiboneka abweru, birio binu ebinsitoera kusiku, nikwo okuweraga omwoyo jikanisa jo:ne.

2 Bakorinto 11:28 ပူးပေါင်းရင်းမြစ်များ

Ebikorwa 15:36

Jejire jaatura siku nooto, Pawuro ˆnaabhwira Bharinaabha ati, “Chisubhe mu‑misi jirya ꞉cheeyigisiisye‑mo Emisango ja Ekisi inguru ya Raatabhugenyi Yeesu, chiribhatire abheekirisya abheejaasu, korereki chibhe nichiringira amagenderero geebhwe.”

Ebikorwa 18:23

Ejire aamara siku nooto, ˆnaasooka‑wo, ˆnaatura mu‑mukoowa gwa Garaatiya na mu‑mukoowa gwa Furiigiya, ˆnaaribhatiraga na okukomeesya abheeyigisibhwa bhoone bha Kirisito.

Ebikorwa 20:2

꞉Aaturire mu‑chaaro echo, ˆnaabhwiraga abheekirisya emisango myafu ja okubhasimbiisya emitima jeebhwe. Niwo ku‑bhuteero ˆnaakinga Akaaya,

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Barumi 1:14

Nyamuwanga andagirira nibhe nindaasya Emisango ja Ekisi ku‑bhaanu bhoone, ku‑Bhayunaani na ku‑bhanu bhatari Bhayunaani, ku‑bha obhwengeeso na ku‑bhanu bhatari bha obhwengeeso.

Barumi 11:13

Woori, enaayika na emwe bhanu mutari Bhayisirayeeri. Chimari Nyamuwanga ꞉aantumire nibhe itumwa inguru ya abhaanu bhanu bhatari Bhayisirayeeri. Enikusya emirimu jinu niyaaywe,

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

Barumi 16:4

na bhaariga bhari yeeyi okusingaarisya obhurame bhwebhwe inguru yaani. Nitari anye era unu enibhasiima, tari noorwo abheekirisya bhanu bhatari Bhayawudi mu‑makanisa goone, abhabhasiima muno. Ka wone, mukeesye abheekirisya bhanu abheekumanyaga mu‑nju yeebhwe.

1 Bakorinto 7:17

Bhuri muunu eekare okuruubhana na obhutinge bhwa Raatabhugenyi, ka wone asigare rwa kutyo aariga ari, omwanya gunu Nyamuwanga ꞉aamubhirikiiye. Nikwo kutyo eniragirira mu‑makanisa goone.

Bakolosai 2:1

Eneenda mumenye kutyo enirwanirira emirimu jinu inguru yeemwe, inguru ya abhaanu bha mu‑musi gwa Rawodeekiya na inguru ya abhaanu abhandi bhoone bhanu nichaariga okubhugana nabho.