2 Bakorinto 11:27 - Indagano Inyaaya mu-Chijita

²⁷ Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

INDAGANO INYA:YA

²⁷ Mu mirimu na mu nya:ko, mu kutengeja kwiya ka:fu, na mu mweko na mu bwiro, na mu kusara:rira kwiya ka:fu, na mu mbeo no kuba tuyu.

2 Bakorinto 11:27 ပူးပေါင်းရင်းမြစ်များ

Matayo 17:21

Aamwi na ejo, risambwa rwa eryo mutakutura okurisoosya‑mo, tari kwa okusabhwa Nyamuwanga na okwiyima ebhiryo.]”

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

1 Bakorinto 7:5

Mwasiga okwimana, tari araabha mweekirisyanya okukora kutyo katungu kafuyi era, korereki mubhone omwanya gwa ekisi gwa okusabhwa Nyamuwanga. Mukamara ogwo, musubhirane rindi, korereki Syetaani aasiga okubharegeeja mukore obhuromesi kwa okubha mutakutura okwiyingirira.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Bafilipi 4:12

Obhugajuro bhwani ni ati, woori niyigiiye okwikara rwa omutaka, ka wone niyigiiye okwikara rwa omuniibhi. Niyigiiye okwiywa, mu‑bhuri musango, okwiguta na okurumwa omweko, okufufya na okukeeyerwa.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

2 Batesalonika 3:8

ka wone ꞉chitaariye ebhiryo bhya omuunu woonewoone, chitasoosisye jipirya. Chaariga nichikora emirimu kwa obhwikomeesya mu‑ngeta na mu‑mwisi, korereki chisige okunyaasya omuunu woonewoone mw‑imwe.

Baeburania 11:37

Ka wone abhandi ꞉bhaabhumirwe kwa amabhuyi okukingira okufwa, abhandi nibhabhuturwa kwa emisumeeno, na abhandi ꞉bheetirwe kwa imbanda. Abhandi bheeyindayindaga bhafwaye jinjayi ja jinaama na eja jimbusi. Ni bhaanu bhataka bhanu ꞉bhaanyaasiibhwe na okukorerwa amabhiibhi maafu.