2 Bakorinto 11:23 - Indagano Inyaaya mu-Chijita

²³ Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

INDAGANO INYA:YA

²³ ?Abe:ne ni bakosi ba Kristo? Ena:ika rwo musasi. Anye enibakira. Mu mirimu jo kunya:ka nibakirire, mu kubumwa nisagiriye muno, mu kuboywa nibakirire, mu kufwa kwiya ka:fu.

2 Bakorinto 11:23 ပူးပေါင်းရင်းမြစ်များ

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 20:23

Enimenya ati, bhuri musi gunu enitura, Mwoyo Mweru kaanyeeresya ati, enija okweswa mw‑ibhoyero na enija okubhona jinyaako.

Ebikorwa 21:11

Omuragi oyo ˆnaachiija‑ko, ˆnaagega omuchipi gwa Pawuro, ˆneebhoya amaguru na amabhoko, ˆnaayika ati, “Mwoyo Mweru kaayika ati, ‘Kutya, nikwo Abhayawudi bha Yerusareemu abhaja okubhoya mwene omuchipi gunu, na abhaja okumutuura mu‑mabhoko ga abhaanu bhanu bhatari Bhayawudi.’”

Ebikorwa 25:14

Bhunu ꞉bhaabheeye awo siku ndebhe, Feesito ˆnaatondera omukama Agiriipa emisango ja Pawuro, ˆnaamubhwira ati, “Ari‑wo omuunu umwi anu, Feeriki ꞉aamusigire mw‑ibhoyero.

Ebikorwa 27:1

Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

Ebikorwa 28:16

Chejire chaakinga mu‑musi gwa Ruumi, Pawuro ꞉eekirisiibhwe okubha mu‑nju yaaye omwene na omusirikare wa okumwangarira.

Ebikorwa 28:30

Pawuro ˆnaamara emiguuga ebhiri eekaaye mu‑nju eyo omwene era. Bhoone bhanu bhaariga nibhamujaa‑ko aabhakumaga.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Barumi 8:36

Rwa kutyo Ebhikaame Ebhyeru ebhyayika ati, “Bhuri rusuku echibhugana na orufu, kwa okubha echikukorera emirimu. Echikorerwa rwa jinaama jinu ejisirwa okwitwa.”

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

1 Bakorinto 4:11

Noorwo woori kutya, chiri na omweko na obhwiro bhwa amanji, echiyenga tuyu, echibhumwa ebhifuufi, ka wone chitari na obhwikaro.

1 Bakorinto 4:9

Nawe enirora ati Nyamuwanga achikorere eswe jitumwa okubha abhaanu bha okugaywa okukira bhoone. Chiri rwa abhaanu bhanu bharamuuywe okwitwa. Chikorerwe rwa abhaanu bha okusekwa ku‑chaaro, ku‑bhamaraayika na ku‑bhaanu.

2 Bakorinto 10:7

Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.

2 Bakorinto 11:5

Anye nitakwirora ati niri mutooto okukira bhanu abheerora wuti nibho jitumwa jingʼuru.

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

2 Bakorinto 4:11

Eswe bhanu chiri bhaanga, echiribhata na orufu omwanya gwone inguru ya Yeesu, korereki obhuwanga bhwaye, bhubhuurisibhwe ku‑mibhiri jeeswe jinu ejifwa.

2 Bakorinto 6:9

Echibhonekana wuti chitakumenyekana, nawe echimenyekana muno. Echibhonekana wuti echifwa, nawe chiri bhaanga! Echibhumwa muno, nawe chitakwitwa.

Bagalatia 6:17

Mbe, okwambira woori omuunu woonewoone asige okunnyaasya rindi, kwa okubha ku‑mubhiri gwani niri na jingʼofu, ꞉naabhwene jimbuma inguru ya okukorera Yeesu.

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Baefeso 6:20

Anye niri omuraasya wa Emisango ja Ekisi ejo, ka wone nijo jikorere nimboywa amaseega. Mbe munsabhirwe, korereki nijiraasye na ribhaasi, rwa kutyo eneendwa.

Bafilipi 1:13

Abhariisi bhoone bha mw‑iyumba rya obhutungi anu, aamwi na abhandi bhoone, bhamenyere ati nibhoyerwe ku‑songa ya okukora emirimu ja Kirisito.

Bafilipi 2:17

Noorwo ikabha ati isagama yaani eyisoosibhwa rwa echoogo ku‑chigabhiro, aamwi na eriikirisya ryemwe rinu erikorwa echoogo imbere ya Nyamuwanga, anye enikonderwa na okusandabha aamwi na emwe bhoone.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

2 Timoteo 1:16

Enisabhwa Raatabhugenyi afwire echigongo abhaanu bha iika wa Onesifooro, kwa okubha kwiya kaafu aariga ˆnaakondisya omwoyo gwani. Ka wone, ꞉ateeswarire okuuja okundora, bhunu naariga nibhoyerwe amaseega.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

2 Timoteo 3:11

eryenda ryani na okurindirira kwani. Owumenya kutyo abhaanu bhaannyaasyaga, bhunu naariga niri mu‑misi ja Atiyookiya, Yikoniya na Risitura. Ka wone, owumenya kutyo neegumiirisiisye jinyaako joone okukingira Raatabhugenyi ˆnaamonʼya okusooka mw‑ijo joone.

Filemoni 1:9

Inguru ya eryenda ryawo kw‑anye, naarora ati, ni kisi muno nikusabhwe. Anye Pawuro, omukaruka na omubhoywa inguru ya okuraasya Emisango ja Ekisi ja Kirisito Yeesu,

Baeburania 10:34

Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.