2 Bakorinto 11:15 - Indagano Inyaaya mu-Chijita

¹⁵ Kurwa ejo, gutari musango gwa okuruguusya, araabha abhakosi bhaaye wone abheekora wuti ni bhakosi bha obhurengeresi. Ku‑bhuteero bhwebhwe, bhariramira jinu ejiingana na ebhikorwa bhyebhwe.

INDAGANO INYA:YA

¹⁵ Mbe gutari musango munene abakosi bae okwi:susanya rwa bakosi bo burengeresi. Obute:ro bwebwe buriba rwe bikorwa byebwe.

2 Bakorinto 11:15 ပူးပေါင်းရင်းမြစ်များ

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

Barumi 2:6

Orusuku orwo, Nyamuwanga aririya bhuri muunu okuruubhana na ebhikorwa bhyaye.

Barumi 3:8

Ejo jiri rwa okwayika ati, “Chibhega nichikora ebhibhiibhi, korereki Nyamuwanga areete ja ekisi.” Abhaanu abhandi abhabheeyeresya ati, “Noorwo Pawuro keeyigisya kutyo!” Nawe anye enaayika ati, abhaanu abho bhoone bhariyaanwa ebhitiibha okuruubhana na ebhibhiibhi bhyebhwe.

1 Bakorinto 9:11

Eswe ꞉chaabharaasisiisye emisango inguru ya Kirisito, rwa omuunu unu kaabhibha jimbibho. Woori, ni musango ki omukomeeye kw‑imwe okuchiyaana ebhiinu bhya okurya na okunywa, korereki chibhone omuriiro, rwa omuunu unu kaagesa?

2 Bakorinto 11:13

Enaayika kutyo, kwa okubha abhaanu rwa abho, nibho jitumwa ja orubheeyi, abhakora emirimu mu‑bhurigerige, abheekora wuti, nibho jitumwa ja Kirisito.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 3:9

Ka wone, araabha obhukosi bhunu obhukora abhaanu okuramurwa bhuri na rikusyo, obhukosi bhunu obhukora abhaanu okubha abharengeresi imbere ya Nyamuwanga, bhuribha na rikusyo enene muno!

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 13:2

Rityanyi rinu ꞉naarorere ryariga nirisusana rwa ingo, nawe amaguru gaaryo gaariga gari rwa ga ritarago na omunwa gwaryo gwariga guri rwa gwa itare. Riyoka rirya, niriyaana rityanyi eryo, amanaga gaaryo, echitebhe chaaryo cha obhutungi na obhuturo bhwafu.

Obhusweruro 9:11

Jiisige ejo, jaariga jiri na omukama waajo. Omukama oyo aariga ari maraayika omukuru wa mu‑ryobho rinu ritari na obhuteero. Maraayika oyo, mu‑Chiyebhuraniya kaatogwa Abhadooni na mu‑Chiyunaani kaatogwa Aporiyooni. Obhugajuro bhwagwo ni “Omusingaarisi.”