2 Bakorinto 11:10 - Indagano Inyaaya mu-Chijita

¹⁰ Rwa kutyo echimari cha Kirisito chiri mu‑mwoyo gwani, atari‑wo omuunu noorwo umwi mu‑mukoowa gwone gwa Akaaya, unu kaatura okunyingirira okwikuuya inguru ya emisango ejo.

INDAGANO INYA:YA

¹⁰ Rwe je cimari eja Kristo kutyo jiri mwanye, atario unu arinyingirira okwikuya mu ca:ro ca Akaya.

2 Bakorinto 11:10 ပူးပေါင်းရင်းမြစ်များ

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 16:5

Mukeesye omwendwa waani Payineeto. Omwene niwe wa okwamba okwikirisya Kirisito mu‑mukoowa gwa Asiya.

Barumi 9:1

Kirisito kaamenya ati chinu enaayika woori, ni chimari era. Noorwo omutima gwani gunu ogutangasibhwa na Mwoyo Mweru wone ogumbambaarira ati, nitakwayika orubheeyi.

1 Bakorinto 16:15

Abhayiri bhaani mu‑riikirisya, mumenyere ati Sitefwana aamwi na abhaanu bha iika ewaaye, nibho bhaariga bhari bha okwamba okwikirisya Yeesu Kirisito mu‑mukoowa gwa Akaaya, bheesoosya wone okusakira abheekirisya. Kutyo, enibheerembeeresya,

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

2 Bakorinto 1:23

Jinu enaayika ni ja chimari, noorwo Nyamuwanga kaamenya! ꞉Nitaasubhire kw‑imwe Koriito eyo, kwa okubha ꞉niteendere okusurumbasya emyoyo jeemwe.

2 Bakorinto 10:15

Ka wone chitakwikuuya inguru ya omurimu gwa abhaanu abhandi, omurimu gunu eswe ꞉chitaayaaywe. Tari echiiyikanya ati, rwa kutyo eriikirisya ryemwe erigenderera okukura, nikwo kutyo omurimu gweswe agati yeemwe guribhaga nigwiyongesya.

2 Bakorinto 11:12

Nirigenderera okukora emirimu rwa kutyo enikora woori, korereki bhanu abheerora wuti nibho jitumwa jingʼuru, bhaasiga okubhona omwanya gwa okwikuuya ati, abhakora emirimu rwa eswe.

2 Bakorinto 11:31

Nyamuwanga Esemwene Raatabhugenyi Yeesu, unu eeyire okukusibhwa akajaanende koone, amenyere ati nitakwayika orubheeyi.

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.

2 Bakorinto 9:2

okubha nimenyere ati, muri na omwoyo gwa okusakira abhandi. Nikwo okukora eniikuuya inguru yeemwe ku‑bhaanu bha Makedooniya, nimbabhwiraga ati, emwe abhaanu bha mw‑ikanisa rya mu‑mukoowa gwa Akaaya, ꞉mwemariiriiye okusoosya okwambira omuguuga gunu guturire. Okwikomeesya kwemwe okwo, kukorere abhaanu bhaafu agati yeebhwe okubha na omwoyo gwa okusoosya.

Bagalatia 1:20

Nyamuwanga kaamenya ati emisango jinu enibhakaamira ni ja echimari, jitari ja orubheeyi!

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

1 Batesalonika 2:10

Emwe omumenya, Nyamuwanga wone kaamenya ati, bhunu ꞉cheekaaye kw‑imwe abheekirisya, itungwa yeeswe yaariga iri ya ekisi na eya obhurengeresi, ka wone chaariga chitari na esoro.

1 Batesalonika 2:5

Mbe, mumenyere ati, chaariga chitakwayika emisango ja okwikondya kw‑imwe, noorwo okwayika emisango jinu jitari ja echimari, korereki chibhone omuriiro. Nyamuwanga niwe kaamenya ati, jinu echaayika ni ja echimari!

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.