2 Bakorinto 10:7 - Indagano Inyaaya mu-Chijita

⁷ Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.

INDAGANO INYA:YA

⁷ Omurorerrera binu biri imbere yemwe. Omu:nu wo:ne ake:iikanya omwene ati, ni wa Kristo, mbe asube okwiganirisya omwene:ra ati, rwa kutyo omwene ni wa Kristo, neswe one nikwo kutyo ciri ba Kristo.

2 Bakorinto 10:7 ပူးပေါင်းရင်းမြစ်များ

Matayo 23:5

Joone jinu abhakora, abhakora korereki bharorwe na bhaanu. Abheebhoyaga ku‑bhisuusu na ku‑mabhoko jikobha jinene okukira bhya abhandi bhinu bhakaamire‑ko ebhiraagiro. Ka wone abhoongesya‑ko ebhisangʼarye bhya ku‑bhufunyiro bhwa emyenda jeebhwe bhibhe bhireera okukira bhya abhandi.

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Yowana 7:24

Mwasiga okuramura omuunu okuruubhana na jinu omurora na ameeso era, tari muramure omuunu ku‑bhurengeresi.”

1 Bakorinto 1:12

Woori, jinu eneenda okwayika nijo jinu, ati, bhuri muunu agati yeemwe kaayika jaaye. Owumwi kaayika ati, “Anye niri wa Pawuro.” Owundi kaayika ati, “Anye niri wa Apooro.” Owundi kaayika ati, “Anye niri wa Keefa.” Owundi kaayika ati, “Anye niri wa Kirisito.”

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

1 Bakorinto 15:23

Nawe bhuri muunu arisuururwa ku‑mwanya gwaye, Kirisito aariga ari wa okwamba okusuururwa, omwanya gunu omwene ariija, niwo abhaanu bhaaye bharisuururwa.

1 Bakorinto 3:23

Nawe emwe, muri bha Kirisito, na Kirisito ni wa Nyamuwanga.

1 Bakorinto 9:1

Woori, anye nitari mwitaage? Anye nitari tumwa? Anye ꞉nitaarorere Raatabhugenyi weeswe Yeesu? Ka wone emirimu jinu anye ꞉naakorere jitari nijo jinu jikorere emwe mwikirisye Raatabhugenyi?

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 11:18

Abhaanu bhaafu abheekuuya inguru ya emisango ja mu‑chaaro munu, kurwa ejo, musige anye wone niikuuye.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 13:3

Nirikora kutyo, kwa okubha omuyenja echibharikisyo cha okumenya ati Kirisito kaayika okutura kw‑anye. Kirisito atari mujorobhoke kw‑imwe, tari ari na amanaga, na niwe kaakora emirimu agati yeemwe.

2 Bakorinto 5:12

Jitari ati echiregeeja okwikondya rindi kw‑imwe, tari cheenda okubhayaana omwanya gwa okwikuuya inguru yeeswe. Echeenda mubhe na obhuturo bhwa okusubhya abhaanu bhanu abheekuuyisya emisango jinu ejibhonekana, nawe jitari jinu jiri mu‑myoyo jeebhwe.

Bagalatia 3:29

Araabha emwe muri ku‑Kirisito, kurwa ejo woori, emwe muri rwibhuro rwa Bhurayimu, na muriramira omwandu gunu Nyamuwanga ꞉aaragire.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.