2 Bakorinto 10:13 - Indagano Inyaaya mu-Chijita

¹³ Nawe eswe, chitakwikuuya okukira indengo ya emirimu jinu chiyaaywe. Chiriikuuya era inguru ya emirimu jinu Nyamuwanga achiyaaye. Emirimu ejo, nijo jinu echikora noorwo kw‑imwe.

INDAGANO INYA:YA

¹³ Mbe nawe eswe citari:ku:ya kukira indengo yeswe, nawe ni mu ndengo yo rubibi runu Nyamuanga acigabiye okuba indengo yo kukinga kwimwe.

2 Bakorinto 10:13 ပူးပေါင်းရင်းမြစ်များ

Matayo 25:15

ˆNaayaana bhuri mugaya okwingana na obhuturo bhwaye. ˆNaayaana owa okwamba jipirya nyafu, nijikingaga jitaranta etaanu, wa kabhiri jitaranta ebhiri na owa kasatu itaranta imwi. Niwo ˆnaagenda mu‑rugendo.

Barumi 10:18

Mbe, araabha ni kutyo, siga nibhuusye ribhuusyo. Angu, Abhayisirayeeri bhachaariga okuungwa emisango ejo? Ni chimari ati ꞉bhaajuunguuwe, kwa okubha Ebhikaame Ebhyeru ebhyayika ati, “Jinu ꞉bhaayikire, ꞉jeetabhirisiibhwe mu‑chaaro choone, na emisango jeebhwe ꞉jaakingire mbaara joone ja echaaro.”

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

Barumi 12:6

Mbe, chiri na ebhiyaanwa bhya mbaga nyafu, rwa kutyo Nyamuwanga ꞉aachiyaaye kwa obhwitiriranya bhwaye. Omuunu unu ayaaywe echiyaanwa cha okusoosya obhuragi, akorere emirimu echiyaanwa echo okuruubhana na eriikirisya ryaye.

Barumi 15:20

Ku‑mirimu ejo joone, eniikomeesya okuraasya Emisango ja Ekisi ku‑mbaara jinu abhaanu bhachaariga okuraasibhwa emisango inguru ya Kirisito. Enikora kutyo, korereki nisige okwambisya bhuyaaya emirimu mu‑mbaara jinu omuunu owundi aamarire okujikora.

1 Bakorinto 12:11

Mwoyo oyooyo umwi kaakora emirimu ejo joone. Omwene kaayaana bhuri muunu echiyaanwa chaaye, rwa kutyo Mwoyo omwene keenda.

Baefeso 4:7

Nawe bhuri wumwi weeswe, ayaaywe obhwitiriranya okwingana na indengo ya echiyaanwa cha Kirisito kutyo chiri.

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.