2 Bakorinto 1:23 - Indagano Inyaaya mu-Chijita

²³ Jinu enaayika ni ja chimari, noorwo Nyamuwanga kaamenya! ꞉Nitaasubhire kw‑imwe Koriito eyo, kwa okubha ꞉niteendere okusurumbasya emyoyo jeemwe.

INDAGANO INYA:YA

²³ Nawe anye enibirikira Nyamuanga abe wo kwima ku mwoyo gwani, ati, nicari ku:ja kwimwe, okuba nabafwiriye ecigongo.

2 Bakorinto 1:23 ပူးပေါင်းရင်းမြစ်များ

Ebikorwa 18:1

Emisango ejo jejire jaawa, Pawuro ˆnaasooka mu‑musi gwa Ateene awo, ˆnaagenda mu‑musi gwa Koriito.

Ebikorwa 18:8

Kirisipo, omukuru wa inju ya eriikofyanyo eryo, ˆneekirisya Raatabhugenyi, aamwi na abhaanu bhoone bha iika ewaaye. Abhakoriito abhaafu nibhategeresya Pawuro, nibheekirisya na okubhatiijibhwa.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 9:1

Kirisito kaamenya ati chinu enaayika woori, ni chimari era. Noorwo omutima gwani gunu ogutangasibhwa na Mwoyo Mweru wone ogumbambaarira ati, nitakwayika orubheeyi.

1 Bakorinto 4:21

Woori, omwenda nikore kutiki? Angu, nibhaaje‑ko na isimbo, tere niije mu‑ryenda na mu‑bhworooro?

1 Bakorinto 5:5

Musoosye omuunu oyo agati yeemwe na mumusige mu‑bhutungi bhwa Syetaani, korereki obhusimukwa bhwaye bhwa echibhiibhi bhunyamurwe, na omwene achungurwe orusuku rwa okusubha Raatabhugenyi Yeesu.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

2 Bakorinto 1:18

Nawe woori, rwa kutyo Nyamuwanga ari mwiyikanyibhwa, jinu ꞉chaabhabhwiriiye, jaariga jitari ja omuunu okwayika ati, “Cha,” neeya ˆnaayika ati, “Wuri.”

2 Bakorinto 10:2

Enibheerembeeresya ati, nikabhaaja‑ko eyo, musige okunkora nibhe omururu. Enaayika kutyo, kwa okubha nimenyere ati enitura okubha omururu ku‑bhaanu bhoone bhanu abheetogera ati, eswe chiikaaye rwa abhaanu abhandi bha mu‑chaaro munu.

2 Bakorinto 11:10

Rwa kutyo echimari cha Kirisito chiri mu‑mwoyo gwani, atari‑wo omuunu noorwo umwi mu‑mukoowa gwone gwa Akaaya, unu kaatura okunyingirira okwikuuya inguru ya emisango ejo.

2 Bakorinto 11:11

Nitakwayika kutyo kwa okubha nitakubheenda. Nyamuwanga kaamenya ati enibheenda.

2 Bakorinto 11:31

Nyamuwanga Esemwene Raatabhugenyi Yeesu, unu eeyire okukusibhwa akajaanende koone, amenyere ati nitakwayika orubheeyi.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

2 Bakorinto 13:10

Enibhakaamira emisango jinu nichaari okubhaaja‑ko eyo, korereki omwanya gunu niribhaaja‑ko, naasiga okusongʼana emisango jinu jirireterera nibhe omururu kabhukabhu kw‑imwe noorwo okukingira okukorera emirimu obhuturo bhunu Raatabhugenyi ꞉aanaaye. Obhuturo obhwo, bhutari bhwa okubhanyamura, tari ni bhwa okubharumatanya mu‑riikirisya.

2 Bakorinto 13:2

Omwanya gunu ꞉neejire kw‑imwe rwa kabhiri, ꞉naabhwiriiye bhanu bhaariga bhakorere ebhibhiibhi ati, omwanya gunu niriija rindi, nitaribhafwira echigongo. Noorwo kutyo anye nitari na emwe eyo, enibhwira abhaanu abhandi bhoone ati, omwanya gunu niriija rindi kw‑imwe, nitaribhafwira echigongo.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

Bagalatia 1:20

Nyamuwanga kaamenya ati emisango jinu enibhakaamira ni ja echimari, jitari ja orubheeyi!

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

1 Batesalonika 2:5

Mbe, mumenyere ati, chaariga chitakwayika emisango ja okwikondya kw‑imwe, noorwo okwayika emisango jinu jitari ja echimari, korereki chibhone omuriiro. Nyamuwanga niwe kaamenya ati, jinu echaayika ni ja echimari!

1 Timoteo 1:20

Mu‑bhaanu abho ari‑mo Imenaayo na Arekijanda. Abho nibhasigiiye Syetaani korereki bheeyigire, bhasige okufuma Nyamuwanga.