2 Bakorinto 1:15 - Indagano Inyaaya mu-Chijita

¹⁵ Naariga niri na obhwiyikanyo obhwo, nikwo okukora naariga nineenda okukinga kw‑imwe eyo okwamba, korereki mubhone ribhando rya okugosorerwa na anye orwa kabhiri.

INDAGANO INYA:YA

¹⁵ Na mu kwiikanya kunu nariga ninenda okukinga kwimwe kara, korereki muyabwe ribando rya kabiri,

2 Bakorinto 1:15 ပူးပေါင်းရင်းမြစ်များ

Matayo 1:19

Jejefu unu aariga ateeye‑ko obhuko, aariga ari muunu omurengeresi imbere ya Nyamuwanga. Jejefu ꞉ateendere okuswasya Maryamu, kurwa ejo, ˆneeganirisya okumusiga bhumbise.

Barumi 1:11

Enisabhwa kutyo, kwa okubha niri na obhwira muno bhwa okubhugana na emwe, korereki nirumatanye eriikirisya ryemwe kwa okubhayaana amabhando ga echinyamwoyo.

Barumi 15:29

Enimenya ati, omwanya gunu niribhaaja‑ko na okubha aamwi na emwe eyo, Kirisito arichiyaana amabhando maafu muno.

1 Bakorinto 11:34

Araabha omuunu ari na omweko, aryega iika ewaaye, korereki okwikumanya kwemwe aamwi, kwasiga okukora muramurwe. Amaragiriro agandi ganu gasigaaye, niribhayaana omwanya gunu niriija.

1 Bakorinto 16:7

Nitakwenda okubhugana na emwe woori kwa okuyitingʼana era. Eniiyikanya okwikara eweemwe omwanya omurebhe, araabha Raatabhugenyi akanyiikirisisya.

1 Bakorinto 4:19

Nawe Raatabhugenyi aakeenda, niribhaaja‑ko bhwangu. Awo niwo nirimenya araabha abhaanu bhanu abheekuuya abhaayika era amwi bhari na amanaga.

2 Bakorinto 12:14

Woori enitengeeja niije kw‑imwe eyo rwa kasatu, nawe nitaribha omugugu kw‑imwe. Nitakwenda ebhiinu bhyemwe, tari eneenda emwe abheene. Enaayika kutyo kwa okubha abhaana bhateeyire nibho bhabhiike ebhiinu inguru ya bheebhusi bheebhwe, tari abheebhusi nibho abheendwa bhabhiike ebhiinu inguru ya abhaana.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.