1 Yoana 5:18 - Indagano Inyaaya mu-Chijita

¹⁸ Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.

INDAGANO INYA:YA

¹⁸ Cimenyere ati, mu:nu wo:ne unu e:buywe na Nyamuanga atakukoraga bibi:bi, nawe Oyo e:buywe na Nyamuanga kamurinda, no mubi:bi atakumukuniako.

1 Yoana 5:18 ပူးပေါင်းရင်းမြစ်များ

Matayo 5:37

Mwayikega ati, ni chimari ikabha iri chimari, mwayikega ati, ni wuri jikabha jiri wuri. Emisango joone jinu ejikira ejo, ejisooka ku‑Mubhiibhi urya.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Yowana 1:13

Abho nibho abhaana bha Nyamuwanga, bhanu ꞉bheebhuuywe kutari ku‑sagama, amwi mu‑kwenda kwa omubhiri, amwi mu‑kwenda kwa omuunu, tari Nyamuwanga omwene ꞉aabhakorere okubha abhaana bhaaye.

Yowana 14:30

Nitakutura okwayika na emwe emisango myafu rindi, kwa okubha Syetaani, omukuru wa echaaro chinu kaaja. Nawe atari na obhuturo inguru yaani.

Yowana 15:4

Mubhega na obhumwi na anye, anye wone enija okubha na obhumwi na emwe. Rwa kutyo ritabhi ritakutura okutwasya amatwasyo eryene era rikabha ritari kw‑iti rya rijabhiibhu, nikwo kutyo emwe wone mutakutura okukora okwenda kwa Nyamuwanga mukabha mutari kw‑anye.

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

Yowana 15:9

Rwa kutyo Raata aanyendere anye, nikwo kutyo anye wone nibheendere emwe. Mbe murame mu‑ryenda ryani.

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.

1 Yoana 3:9

Omwana woonewoone wa Nyamuwanga, atakugenderera okukora ebhibhiibhi, kwa okubha ari na itungwa ya Nyamuwanga mu‑mwoyo gwaye. Kurwa ejo, atakutura okugenderera okukora ebhibhiibhi kwa okubha ni mwana wa Nyamuwanga.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

1 Yoana 5:15

Mbe, eswe echimenya ati Nyamuwanga kaategeresya risabhwa ryeswe, nikwo okukora, echimenya wone ati, kaachiyaana ebhiinu bhinu echimusabhwa.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

1 Yoana 5:21

Abhaana bhaani mu‑riikirisya, mwiyangarire mwasiga okuramya amasusano.

1 Yoana 5:4

kwa okubha bhuri mwana wa Nyamuwanga ari na obhuturo bhwa okuyiga ebhibhiibhi. Mbe, echiyiga ebhibhiibhi kwa okwikirisya Yeesu.

Yuuda 1:21

Kwa okukora kutyo, mwiyangarirega mu‑ryenda rya Nyamuwanga, nimugenderera okurindirira obhuwanga bhwa akajaanende koone, bhunu muriyaanwa na Raatabhugenyi weeswe Yeesu Kirisito ku‑chigongo chaaye.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.