1 Yoana 5:16 - Indagano Inyaaya mu-Chijita

¹⁶ Bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone. Araabha omuunu woonewoone kw‑imwe akarora oweejaabho unu kaakora ebhibhiibhi rwa ebhyo, amusabhirwe ku‑Nyamuwanga, Nyamuwanga omwene kaja okumuyaana obhuwanga. Omusango gunu ni inguru ya bhanu abhakora ebhibhiibhi ebhyo. Nawe bhiri‑wo ebhibhiibhi bhinu ebhitaaganya omuunu na Nyamuwanga akajaanende koone. Anye nitakwayika ati asabhirwe omuunu oyo ku‑Nyamuwanga inguru ya ebhibhiibhi ebhyo.

INDAGANO INYA:YA

¹⁶ Omu:nu wo:ne akarora omwana wa:bo nakora ecibi:bi cinu citari co kufwa, asabwega, na Nyamuanga ariyana obuanga banu abakora ecibi:bi cinu citari co kufwa. Ciriwo ecibi:bi co kufwa. Nitakwaika ati acisabirwe.

1 Yoana 5:16 ပူးပေါင်းရင်းမြစ်များ

Ruuka 12:10

Bhuri muunu unu kaayika emisango emibhiibhi ja okunyingirira anye Omwana wa Omuunu, Nyamuwanga arimufwira echigongo. Nawe, omuunu unu keefumirisya Mwoyo Mweru, oyo Nyamuwanga atarimufwira echigongo.

Yowana 17:9

Enisabhirwa abho, kwa okubha ni bhaanu bhaawo. Nitakusabhirwa abhaanu bha ku‑chaaro kunu, nawe enisabhirwa bhanu awe ꞉waanaaye.

2 Timoteo 4:14

Arekijanda, omuyeesi wa ebhyuma urya, ꞉aankoreeye emisango jinu ꞉jaawutasiisye omwoyo gwani muno. Nawe Raatabhugenyi Yeesu arimuramura okuruubhana na ebhikorwa bhyaye ebhibhiibhi ebhyo.

1 Yoana 5:17

Okukora echikorwa choonechoone chinu chiteeyire imbere ya Nyamuwanga, nikwo okukora ebhibhiibhi. Nawe aamwi na ejo, bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone.