1 Yoana 5:13 - Indagano Inyaaya mu-Chijita

¹³ Enibhakaamira inyarubha inu, emwe bhanu omwikirisya risiina rya Omwana wa Nyamuwanga, korereki mumenye ati muri na obhuwanga bhwa akajaanende koone.

INDAGANO INYA:YA

¹³ Nabandikira emisango ejo korereki mumenye ati, muri no buanga bwa kajanende, emwe banu mwekirisisye risi:na ryo Mwana wa Nyamuanga.

1 Yoana 5:13 ပူးပေါင်းရင်းမြစ်များ

Yowana 1:12

Nawe abhaanu bhoone bhanu ꞉bhaamuramiiye na okumwikirisya, ꞉aabhayaaye obhuturo bhwa okubha abhaana bha Nyamuwanga.

Yowana 2:23

Omwanya gunu Yeesu aariga ari Yerusareemu mu‑chikukuru ya Okwambuka, abhaanu bhaafu ꞉bhaamwikirisiisye, kwa okubha ꞉bhaarorere ebhibharikisyo bhinu aariga ˆnaakora.

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

Yowana 21:24

Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.

Yowana 3:18

Nyamuwanga atakuramura abhaanu bhanu abheekirisya Omwana waaye. Nawe abhaanu bhanu bhatakumwikirisya, bharamuuywe kwa okubha bhateekirisiisye Omwana eenyere wa Nyamuwanga.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Ebikorwa 3:16

“Omumenya kisi omuunu unu omurora anu kutyo aariga aremaaye. Omwene aawosibhwa kwa okwikirisya Yeesu. Risiina rya Yeesu eryo na eriikirisya ku‑mwene, niyo isonga aabhona obhuwanga imbere yeemwe.

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”

2 Bakorinto 5:1

Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

Bagalatia 4:6

Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

1 Yoana 1:4

Echibhakaamira inyarubha inu, korereki bhoone chikondererwe aamwi.

1 Yoana 2:1

Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.

1 Yoana 2:21

Isonga ya okubhakaamira inyarubha inu, itari ati, mutakumenya echimari, tari kwa okubha muchimenyere. Ka wone ameeyigisyo goonegoone ga orubheeyi gatakusooka mu‑chimari.

1 Yoana 2:25

Kutyo echiramira obhuwanga bhwa akajaanende koone bhunu ꞉aachiragire.

1 Yoana 2:26

Nibhakaamiiye emisango ejo, korereki okubhakengya inguru ya abhaanu bhanu abharegeeja okubhayabhya.

1 Yoana 3:23

Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

1 Yoana 4:9

Nyamuwanga omwene ꞉eeresiisye eryenda ryaye kw‑iswe, kwa okutuma Omwana waaye umwi wenyere era mu‑chaaro, korereki Omwana oyo achiyaane obhuwanga bhwa akajaanende koone.

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.

1 Yoana 5:11

Obhubhambaasi obhwo ni bhunu, Nyamuwanga achiyaanire obhuwanga bhwa akajaanende koone. Obhuwanga obhwo echibhubhona kwa okwikirisya Omwana waaye.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.