1 Yoana 4:7 - Indagano Inyaaya mu-Chijita

⁷ Abheendwa bhaani mu‑riikirisya, cheendane, kwa okubha eryenda erisooka ku‑Nyamuwanga. Omuunu woonewoone unu keenda abheejaabho, ni mwana wa Nyamuwanga, ka wone niwe kaasombookerwa Nyamuwanga.

INDAGANO INYA:YA

⁷ Abendwa, cendanega, okuba okwenda ni kwa Nyamuanga, na mu:nu wo:ne unu kenda oyo e:buywe na Nyamuanga, na ka:menyere Nyamuanga.

1 Yoana 4:7 ပူးပေါင်းရင်းမြစ်များ

Yowana 13:34

Woori, enibhayaana echiraagiro echiyaaya. Enibharagirira ati, ‘Mwendane. Rwa kutyo anye nibheendere, nyabhuriko emwe wone mwendane.’

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

1 Bakorinto 8:3

Nawe omuunu unu keenda Nyamuwanga, oyo niwe kaamenyekana ku‑Nyamuwanga omwene.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

2 Timoteo 1:7

Kora kutyo, okubha Nyamuwanga ꞉ataachikorere okubha abhoobha, tari ꞉aachiyaaye amanaga, eryenda na okwiyingirira.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Yoana 2:10

Tari muunu woonewoone unu keenda oweejaabho, eekaaye mu‑bhweru. Chitari‑mo echiikuujuro choonechoone mu‑mwoyo gwaye, cha okukora akore ebhibhiibhi.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 2:3

Araabha chikagayuka ebhiraagiro bhyaye, niwo echimenya ati echimusombookerwa.

1 Yoana 2:4

Omuunu woonewoone unu kaayika ati kaamusombookerwa, nawe atakugayuka ebhiraagiro bhyaye, ni mubheeyi, atakumenya echimari.

1 Yoana 2:7

Abheendwa bhaani mu‑riikirisya, echiraagiro chinu enibhakaamira chitari chiyaaya, tari ni chiryachirya cha kara chinu mwariga muri nacho okusookerera omwanya gunu ꞉mwaambire okwikirisya Yeesu Kirisito. Echiraagiro echo, ni musango gurya ꞉mwoonguuwe inguru ya eryenda.

1 Yoana 3:9

Omwana woonewoone wa Nyamuwanga, atakugenderera okukora ebhibhiibhi, kwa okubha ari na itungwa ya Nyamuwanga mu‑mwoyo gwaye. Kurwa ejo, atakutura okugenderera okukora ebhibhiibhi kwa okubha ni mwana wa Nyamuwanga.

1 Yoana 4:11

Abheendwa bhaani mu‑riikirisya, araabha Nyamuwanga ꞉aacheendere muno kutyo, eswe wone echikenwa cheendane.

1 Yoana 4:12

Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.

1 Yoana 4:16

Woori, eswe echimenya na echiikirisya ati Nyamuwanga kaacheenda. Nyamuwanga ni ryenda. Omuunu woonewoone unu ari na eryenda, niwe ari na obhumwi na Nyamuwanga, Nyamuwanga wone ari na obhumwi nage.

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.

1 Yoana 4:8

Nawe omuunu woonewoone unu atakwenda abheejaabho, atakusombookerwa Nyamuwanga, kwa okubha Nyamuwanga ni ryenda.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

2 Yoana 1:5

Woori, omusubhaati omwendwa, ku‑nyarubha inu, enikusabhwa ugayuke echiraagiro chinu echaayika ati cheendane. Echiraagiro chinu enikukaamira chitari chiyaaya wuri, tari ni chiryachirya cha kara chinu chaariga chiri nacho okusookerera omwanya gunu ꞉chaambire okwikirisya Yeesu.