1 Yoana 4:6 - Indagano Inyaaya mu-Chijita

⁶ Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.

INDAGANO INYA:YA

⁶ Eswe ciri ba Nyamuanga. Unu amenyere Nyamuanga kacungwa eswe. Unu atari wa Nyamuanga atakucungwa. Nikwo kutyo ecitura okumenya omwoyo gwe cimari no mwoyo gwo kuyaba.

1 Yoana 4:6 ပူးပေါင်းရင်းမြစ်များ

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Yowana 10:16

Anye niri na jinaama ejindi jinu jitari ja mw‑igutu rinu, ejo wone neenderwe nijireebhe. Jinaama ejo wone, jirimenya obhuraka bhwani. Kurwa ejo, jiribha eyijo rimwi, na omureefi umwi.

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Yowana 10:3

Omuriisi wa rigutu kaamwigurira rirango, na jinaama ejuungwa obhuraka bhwaye. Omureefi kaabhirikira risiina rya bhuri naama yaaye na okujitangatira okuwuruka okuja anja.

Yowana 13:20

Ni chimari enibhabhwira ati, omuunu woonewoone unu kaakuma unu anye nitumire, kaankuma anye. Nyabhuriko, unu kaankuma anye, kaakuma unu ꞉aantumire.”

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Yowana 16:13

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Yowana 18:37

Mbe, Piraato ˆnaamubhuusya ati, “Kutyo mbe, awe uri mukama?” Yeesu ˆnaamusubhya ati, “Naawe waayika ati, anye niri mukama. Anye ꞉neebhuuywe na okuuja ku‑chaaro kunu, korereki niiyigisye abhaanu echimari. Omuunu woonewoone unu kaaruubha echimari, kaategeresya emisango jaani.”

Yowana 20:21

Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

Yowana 8:19

Niwo Abhafarisaayo nibhabhuusya Yeesu ati, “Angu, Esomwana ari aaki?” Yeesu ˆnaabhasubhya ati, “Anye mutakummenya, noorwo Raata waani mutakumumenya. Araabha mukammenyere anye, Raata waani wone mukamumenyere.”

Yowana 8:23

Yeesu ˆnaagenderera okubhabhwira ati, “Emwe muri bhaanu bhanu bhasookere emwaro ku‑chaaro anu, nawe anye nisookere inguru mu‑rwire. Emwe muri bha ku‑chaaro kunu, nawe anye nitari wa ku‑chaaro kunu.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 11:8

Rwa kutyo Ebhikaame Ebhyeru ebhyayika ati, “Nyamuwanga ꞉aabhakorere bhabhe na emyoyo emikomeeye, ꞉aabhawongeresiisye ameeso korereki bhaasiga okurora, ka wone ꞉aabhasibhire amatwi korereki bhaasiga okuungwa. Nikwo kutyo bhari okukingira reero inu.”

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

2 Bakorinto 10:7

Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.

2 Batesalonika 1:8

asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

1 Timoteo 4:1

Woori, Mwoyo Mweru kaayika abhwerubhweru ati, mu‑siku ja obhuteero, abhaanu abhandi bharisiga eriikirisya rya echimari, bharitegeresya emyoyo jinu ejiyabhya na bharigayuka ameeyigisyo ga amasyetaani.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

1 Yoana 4:4

Mbe, emwe abhaana bhaani mu‑riikirisya, mwabheeye abhaana bha Nyamuwanga, ka wone muyigire abharagi abhabheeyi abho. Mubhayigire kwa okubha, Mwoyo wa Nyamuwanga unu ari mu‑myoyo jeemwe, ari na obhuturo okukira mwoyo wa Syetaani unu kaatangasya abhaanu bhanu bhatakugayuka Nyamuwanga.

1 Yoana 4:8

Nawe omuunu woonewoone unu atakwenda abheejaabho, atakusombookerwa Nyamuwanga, kwa okubha Nyamuwanga ni ryenda.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

Yuuda 1:17

Nawe emwe abheendwa bhaani, mwichukega emisango jinu jitumwa ja Raatabhugenyi weeswe Yeesu Kirisito ꞉bhaayikire kara.