1 Yoana 4:12 - Indagano Inyaaya mu-Chijita

¹² Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.

INDAGANO INYA:YA

¹² Atario unu ararorere Nyamuanga anu cikabe:reega. Cikaba cendene, mbe Nyamuanga ke:kara mwiswe, no kwenda kwae okuku:mira mwiswe.

1 Yoana 4:12 ပူးပေါင်းရင်းမြစ်များ

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

1 Bakorinto 13:13

Mbe woori, ebhiinu bhisatu bhinu bhitariwaa‑wo, ni riikirisya, obhwiyikanyo na eryenda. Kw‑ijo, gunu guri gwa bhusibhusi ni ryenda.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Timoteo 6:16

Nyamuwanga era, niwe atakufwa, eenyanjire mu‑bhweru bhunu omuunu woonewoone atakutura okubhufogera‑ko. Ka wone, atari‑wo omuunu unu aramurorere, noorwo unu kaatura okumurora. Echibharo na obhuturo ari nabhyo omwene, akajaanende koone. Jibhe kutyo.

Baeburania 11:27

Eriikirisya niryo ꞉ryakorere Muusa ˆnaasooka mu‑chaaro cha Miisiri, okuubhaya wuri risungu rya omukama. ꞉Eegumiirisiisye kwa okubha aariga ari wuti kaarora Nyamuwanga unu atakubhonekana.

1 Yoana 2:5

Tari omuunu unu kaagayuka ebhiraagiro bhyaye, chimari eryenda rya Nyamuwanga erikuumira mu‑mwoyo gwaye. Kutyo nikwo echimenya ati chiri na obhumwi na Nyamuwanga.

1 Yoana 3:24

Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.

1 Yoana 4:16

Woori, eswe echimenya na echiikirisya ati Nyamuwanga kaacheenda. Nyamuwanga ni ryenda. Omuunu woonewoone unu ari na eryenda, niwe ari na obhumwi na Nyamuwanga, Nyamuwanga wone ari na obhumwi nage.

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.