1 Yoana 3:9 - Indagano Inyaaya mu-Chijita

⁹ Omwana woonewoone wa Nyamuwanga, atakugenderera okukora ebhibhiibhi, kwa okubha ari na itungwa ya Nyamuwanga mu‑mwoyo gwaye. Kurwa ejo, atakutura okugenderera okukora ebhibhiibhi kwa okubha ni mwana wa Nyamuwanga.

INDAGANO INYA:YA

⁹ Omu:nu wo:ne mu e:buywe na Nyamuanga atakukoraga bibi:bi, okuba imbibo yae imurimo. Amwi atakutura kukoraga ebibi:bi, okuba e:buywe na Nyamuanga.

1 Yoana 3:9 ပူးပေါင်းရင်းမြစ်များ

Matayo 7:18

Riiti rya ekisi ritakutura okutwasya amatwasyo amabhiibhi, na riiti ribhiibhi ritakutura okutwasya amatwasyo ga ekisi.

Yowana 1:13

Abho nibho abhaana bha Nyamuwanga, bhanu ꞉bheebhuuywe kutari ku‑sagama, amwi mu‑kwenda kwa omubhiri, amwi mu‑kwenda kwa omuunu, tari Nyamuwanga omwene ꞉aabhakorere okubha abhaana bhaaye.

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Ebikorwa 4:20

Okubha eswe chitakutura okusiga okwayika inguru ya emisango jinu ꞉chaarorere na okuungwa!”

Barumi 6:2

Wuri, noorwo na akatyari! Eswe chaabha rwa abhafuuwe ku‑misango ja okukora ebhibhiibhi. Kurwa ejo, chitakutura okugenderera okwikara rindi mu‑bhibhiibhi.

Bagalatia 5:17

Enibhabhwira kutyo, kwa okubha okurigira kwa omubhiri kwisigombera jinu Mwoyo Mweru atakwenda, na Mwoyo Mweru wone, keesigombera jinu okurigira kwa omubhiri kutakwenda. Mwoyo Mweru na okurigira kwa omubhiri ni bhasoko, ebhiyaajana, okukingira emwe okubhurwa obhwitaage bhwa okukora jinu omwenda.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 3:6

Kurwa ejo, jiri abhweru ati, omuunu woonewoone unu kaagenderera okubha na obhumwi nage, atakugenderera okukora ebhibhiibhi. Nawe, omuunu woonewoone unu kaagenderera okukora ebhibhiibhi, atakumenya ati Kirisito niga, ka wone atakumusombookerwa.

1 Yoana 4:7

Abheendwa bhaani mu‑riikirisya, cheendane, kwa okubha eryenda erisooka ku‑Nyamuwanga. Omuunu woonewoone unu keenda abheejaabho, ni mwana wa Nyamuwanga, ka wone niwe kaasombookerwa Nyamuwanga.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

1 Yoana 5:18

Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.

1 Yoana 5:4

kwa okubha bhuri mwana wa Nyamuwanga ari na obhuturo bhwa okuyiga ebhibhiibhi. Mbe, echiyiga ebhibhiibhi kwa okwikirisya Yeesu.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.