1 Yoana 3:3 - Indagano Inyaaya mu-Chijita

³ Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.

INDAGANO INYA:YA

³ Mbe no mu:nu wo:ne unu kamwiikanya kutyo, ke:esya rwa kutyo Omwene ni mweru.

1 Yoana 3:3 ပူးပေါင်းရင်းမြစ်များ

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

Ruuka 6:36

“Mufwirwega echigongo abhaanu abhandi, rwa kutyo Esomwana kaabhafwira echigongo.

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

Barumi 15:12

Noorwo omuragi Iisaya wone ꞉aayikire ati, “Omuunu umwi okusooka mu‑rwibhuro rwa Yeese ariija, aritunga amaanga goone. Abhaanu bha amaanga goone, bhariiyikanya ati, omwene aribhachungura.”

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

Tiito 3:7

꞉Aakorere kutyo na okuchibhara ati chiri abharengeresi kwa obhwitiriranya bhwaye, korereki chibhe na obhwiyikanyo ati chiryanjura obhuwanga bhwa akajaanende.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

Yakobo 4:8

Mufogererega Nyamuwanga, niwo omwene wone aribhafogerera. Emwe abha ebhibhiibhi, musige ebhibhiibhi bhyemwe na mukore ja ekisi. Emwe abha emitima ebhiri, muruubhe Nyamuwanga kwa emyoyo jeemwe joone.

1 Petero 1:15

Nyamuwanga unu ꞉aabhabhirikiiye ni mweru. Woori emwe wone omukenwa mubhe abheeru mu‑katungiiywe keemwe,

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

2 Petero 1:4

Kw‑ijo, achiyaaye ebhiyaanwa ebhinene bhya obhurambu, bhinu ꞉aachiragire. Ebhiyaanwa ebhyo, ebhireterera chisige obhunyamuke bhunu bhuri ku‑chaaro ku‑songa ya okurigira okubhiibhi. Ka wone ebhireterera chisangire obhusimukwa bhwa Nyamuwanga.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

1 Yoana 2:6

Omuunu unu kaayika ati ari na obhumwi na Nyamuwanga, kaakenwa akore rwa kutyo Yeesu aariga ˆnaakora.

1 Yoana 4:17

Ku‑njira eyo, eryenda ryaye erikuumira mu‑myoyo jeeswe, korereki chibhe na ribhaasi orusuku rwa okuramurwa. Okubha obhurame bhweswe mu‑chaaro munu, bhuri rwa kutyo Yeesu ꞉aaramire.