1 Yoana 3:24 - Indagano Inyaaya mu-Chijita

²⁴ Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.

INDAGANO INYA:YA

²⁴ Na unu kagwata ebiragiro byae kamwikaramo, no Mwene ke:kara mu mwene. Nikwo kutyo ecimenya ati, e:kae mwiswe, kurwo Mwoyo unu aciyae.

1 Yoana 3:24 ပူးပေါင်းရင်းမြစ်များ

Yowana 10:38

Nawe araabha enikora emirimu jinu Raata kaakora, noorwo araabha mutakunyikirisya anye, mbe mwikirisye emirimu ejo. Niwo omuja okusombookerwa chimari ati, Raata ari na obhumwi na anye, anye wone niri na obhumwi na Raata.”

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

2 Bakorinto 6:16

Bhuri‑wo obhungwani ki agati ya riyekaru rya Nyamuwanga na amasusano ga amasambwa? Eswe chiri riyekaru rya Nyamuwanga omuwanga! Jiri rwa kutyo Nyamuwanga omwene ꞉aayikire ati, “Niriikara aamwi nabho na okuribhata agati yeebhwe. Niribhaga Nyamuwanga weebhwe, abheene wone bharibhaga abhaanu bhaani.”

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

2 Timoteo 1:14

Echimari chinu ꞉waayaaywe, uchaangarire ku‑managa ga Mwoyo Mweru unu ari mu‑myoyo jeeswe.

1 Yoana 2:24

Kurwa ejo, mu‑myoyo jeemwe, mugenderere okuruubha emeeyigisyo garya ꞉mweeyigisiibhwe okusookerera omwanya gunu ꞉mwaambire okwikirisya Yeesu Kirisito. Okubha, araabha mukagenderera okuruubha ameeyigisyo ago, niwo omugenderera okubha na obhumwi na Omwana, aamwi na Raata Nyamuwanga.

1 Yoana 2:3

Araabha chikagayuka ebhiraagiro bhyaye, niwo echimenya ati echimusombookerwa.

1 Yoana 2:5

Tari omuunu unu kaagayuka ebhiraagiro bhyaye, chimari eryenda rya Nyamuwanga erikuumira mu‑mwoyo gwaye. Kutyo nikwo echimenya ati chiri na obhumwi na Nyamuwanga.

1 Yoana 2:6

Omuunu unu kaayika ati ari na obhumwi na Nyamuwanga, kaakenwa akore rwa kutyo Yeesu aariga ˆnaakora.

1 Yoana 3:22

Ka wone, bhuri chiinu chinu echisabhwa ku‑Nyamuwanga kaachiyaana, kwa okubha echigayuka ebhiraagiro bhyaye na okukora jinu ejimukondera.

1 Yoana 4:7

Abheendwa bhaani mu‑riikirisya, cheendane, kwa okubha eryenda erisooka ku‑Nyamuwanga. Omuunu woonewoone unu keenda abheejaabho, ni mwana wa Nyamuwanga, ka wone niwe kaasombookerwa Nyamuwanga.