1 Yoana 3:23 - Indagano Inyaaya mu-Chijita

²³ Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

INDAGANO INYA:YA

²³ Ne ciragiro cae nico cinu ati, ci:kirisye risi:na ryo Mwana wae, niwe Yesu Kristo, na ka cendanega, rwa kutyo aciragiriye.

1 Yoana 3:23 ပူးပေါင်းရင်းမြစ်များ

Matayo 22:39

Echiraagiro cha kabhiri echisusana na echo, wone echaayika ati, ‘Wendega oweejaanyu rwa kutyo owiyenda omwene.’

Mariko 9:7

Niwo eriire niriija, niribhafundikira. Nibhoongwa obhuraka okusooka mu‑riire eryo, nibhwayika ati, “Unu niwe Omwana waani omwendwa. Mumutegeresyega!”

Yowana 1:12

Nawe abhaanu bhoone bhanu ꞉bhaamuramiiye na okumwikirisya, ꞉aabhayaaye obhuturo bhwa okubha abhaana bha Nyamuwanga.

Yowana 13:34

Woori, enibhayaana echiraagiro echiyaaya. Enibharagirira ati, ‘Mwendane. Rwa kutyo anye nibheendere, nyabhuriko emwe wone mwendane.’

Yowana 14:1

Yeesu ˆnaagenderera okwiyigisya ˆnaayika ati, “Musige okusurumbara mu‑myoyo jeemwe, mwikirisye Nyamuwanga, ka wone munyiikirisye na anye.

Yowana 15:12

Echiraagiro chinu nicho enibharagirira ati, mwendanega, rwa kutyo anye nibheendere.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 2:23

Omwanya gunu Yeesu aariga ari Yerusareemu mu‑chikukuru ya Okwambuka, abhaanu bhaafu ꞉bhaamwikirisiisye, kwa okubha ꞉bhaarorere ebhibharikisyo bhinu aariga ˆnaakora.

Yowana 3:18

Nyamuwanga atakuramura abhaanu bhanu abheekirisya Omwana waaye. Nawe abhaanu bhanu bhatakumwikirisya, bharamuuywe kwa okubha bhateekirisiisye Omwana eenyere wa Nyamuwanga.

Yowana 6:29

Yeesu ˆnaabhasubhya ati, “Omusango gunu Nyamuwanga keenda mukore, ni kunyikirisya anye, unu omwene ꞉aatumire.”

Ebikorwa 16:31

Nibhamusubhya ati, “Ikirisya Raatabhugenyi Yeesu, niwo owuja okuchunguka. Abhaanu bhoone bha iika ewaawo wone, bheekirisye Yeesu, niwo abhaja okuchunguka.”

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

1 Batesalonika 4:9

Mbe, bhutari‑wo obhukene bhwa okubhakaamira inguru ya okwendana, kwa okubha Nyamuwanga omwene ꞉aabheeyigisiisye kutyo jeenderwe mwendane abheene kwa abheene.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 4:8

Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.

1 Yoana 2:7

Abheendwa bhaani mu‑riikirisya, echiraagiro chinu enibhakaamira chitari chiyaaya, tari ni chiryachirya cha kara chinu mwariga muri nacho okusookerera omwanya gunu ꞉mwaambire okwikirisya Yeesu Kirisito. Echiraagiro echo, ni musango gurya ꞉mwoonguuwe inguru ya eryenda.

1 Yoana 3:11

Mbe, okusookerera omwanya gunu ꞉mwaambire okwikirisya Yeesu Kirisito, mwonguuwe omusango ati, eswe abheekirisya, echikenwa cheendane abheene kwa abheene.

1 Yoana 4:15

Omuunu woonewoone unu keekirisya na okutogora ati Yeesu ni Mwana wa Nyamuwanga, Nyamuwanga ari na obhumwi nage, omwene wone ari na obhumwi na Nyamuwanga.

1 Yoana 4:21

Mbe, Nyamuwanga achiyaaye echiraagiro ati, omuunu woonewoone unu keenda Nyamuwanga, kaakenwa wone eende oweejaabho.

1 Yoana 5:13

Enibhakaamira inyarubha inu, emwe bhanu omwikirisya risiina rya Omwana wa Nyamuwanga, korereki mumenye ati muri na obhuwanga bhwa akajaanende koone.