1 Yoana 3:10 - Indagano Inyaaya mu-Chijita

¹⁰ Nawe, omuunu woonewoone unu atakukora eja rirenga atari mwana wa Nyamuwanga, nyabhuriko omuunu unu atakwenda oweejaabho atari mwana wa Nyamuwanga. Obhwo nibhwo obhutaasyanya bhunu bhuri agati ya abhaana bha Nyamuwanga na abhaanu bha Syetaani.

INDAGANO INYA:YA

¹⁰ Mu musango gunu aba:na ba Nyamuanga ababu:risibwa na ba:na ba Syetani ati, omu:nu wo:ne unu atakukoraga burenge:resi oyo atari wa Nyamuanga, nakabee ari unu atakwenda mwana wa:bo.

1 Yoana 3:10 ပူးပေါင်းရင်းမြစ်များ

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Yowana 1:12

Nawe abhaanu bhoone bhanu ꞉bhaamuramiiye na okumwikirisya, ꞉aabhayaaye obhuturo bhwa okubha abhaana bha Nyamuwanga.

Yowana 11:52

Ka wone, Yeesu atarifwa inguru ya riyanga eryo era, tari ni ku‑songa ya okukumanya abhaana bha Nyamuwanga bhanu bhanyarageene, korereki bhabhe aamwi.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Yowana 8:47

Omuunu woonewoone wa Nyamuwanga, oyo kaategeresya emisango jaaye. Emwe mutakutegeresya jinu Nyamuwanga kaayika, kwa okubha mutari bhaanu bhaaye.”

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

Barumi 13:8

Mwasiga okutongwa echiinu choonechoone na omuunu woonewoone, tari ribhanja rinu muri naryo ni rya okwendana era. Omuunu unu keenda oweejaabho, oyo niwe aagayuka ebhiraagiro bhya Nyamuwanga.

Baefeso 5:1

Emwe muri abhaana abheendwa bha Nyamuwanga, kurwa ejo, mukorega rwa kutyo omwene kaakora.

Bakolosai 3:14

Okukira ejo joone mwendane, kwa okubha eryenda niryo eribhagwatanya emwe bhoone mu‑bhumwi bhunu bhukuumiiye.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.

1 Yoana 4:21

Mbe, Nyamuwanga achiyaaye echiraagiro ati, omuunu woonewoone unu keenda Nyamuwanga, kaakenwa wone eende oweejaabho.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.

1 Yoana 4:8

Nawe omuunu woonewoone unu atakwenda abheejaabho, atakusombookerwa Nyamuwanga, kwa okubha Nyamuwanga ni ryenda.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

1 Yoana 5:2

Echimenya chimari ati echeenda abhaana bha Nyamuwanga, mu‑kwenda Nyamuwanga na okugayuka ebhiraagiro bhyaye.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.