1 Yoana 2:3 - Indagano Inyaaya mu-Chijita

³ Araabha chikagayuka ebhiraagiro bhyaye, niwo echimenya ati echimusombookerwa.

INDAGANO INYA:YA

³ Mbe cikagwata ebiragiro byae, nikwo kutyo ecimenya ati, cimumenyere Omwene.

1 Yoana 2:3 ပူးပေါင်းရင်းမြစ်များ

Ruuka 6:46

“Ni kurwa ki omumbirikira ati ‘Raatabhugenyi, Raatabhugenyi,’ nawe emisango jinu enibhabhwira, mutakujikora?

Yowana 14:15

“Araabha mukanyeenda, murigwata ebhiraagiro bhyani.

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Yowana 15:14

Araabha mukakora jinu nibharagiriiye, emwe muri bhasaani bhaani.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

1 Yoana 2:13

Enibhakaamira emwe abhakaruka mu‑riikirisya, kwa okubha omusombookerwa Yeesu Kirisito, unu aariga ari‑wo chichaari kubha‑wo echiinu choonechoone. Enibhakaamira emwe abhasigaji mu‑riikirisya, kwa okubha muyigire Omubhiibhi urya. Enibhakaamira emwe abharera mu‑riikirisya, kwa okubha omusombookerwa Raata Nyamuwanga.

1 Yoana 3:14

Eswe chimenyere ati chaasookere mu‑managa ga orufu na woori chiri na obhuwanga bhwa akajaanende koone. Echimenya kutyo, kwa okubha woori echeenda abheejaasu. Omuunu woonewoone unu atakwenda abheejaabho, oyo chimari achaari mu‑managa ga orufu.

1 Yoana 3:19

Araabha chikeendana kutyo, niwo echimenya ati, chiri bhaana bha echimari bha Nyamuwanga. Ka wone, emyoyo jeeswe ejifuungʼama imbere yaaye.

1 Yoana 3:6

Kurwa ejo, jiri abhweru ati, omuunu woonewoone unu kaagenderera okubha na obhumwi nage, atakugenderera okukora ebhibhiibhi. Nawe, omuunu woonewoone unu kaagenderera okukora ebhibhiibhi, atakumenya ati Kirisito niga, ka wone atakumusombookerwa.

1 Yoana 4:13

Eswe chiri na obhumwi na Nyamuwanga, omwene wone ari na obhumwi na eswe. Echimenya kutyo, kwa okubha achiyaaye Mwoyo waaye.

1 Yoana 4:7

Abheendwa bhaani mu‑riikirisya, cheendane, kwa okubha eryenda erisooka ku‑Nyamuwanga. Omuunu woonewoone unu keenda abheejaabho, ni mwana wa Nyamuwanga, ka wone niwe kaasombookerwa Nyamuwanga.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

1 Yoana 5:2

Echimenya chimari ati echeenda abhaana bha Nyamuwanga, mu‑kwenda Nyamuwanga na okugayuka ebhiraagiro bhyaye.

1 Yoana 5:3

Okubha okwenda Nyamuwanga ni kugayuka ebhiraagiro bhyaye. Ka wone okugayuka ebhiraagiro bhyaye kutari kukomeeye,

Obhusweruro 12:17

Riyoka eryo, niribhiyirirwa muno omugasi oyo, ndigenda okurwana na abhaana abhandi bha omugasi oyo bhanu bhaariga bhasigaaye. Abhaana abho nibho bhanu abhagayuka ebhiraagiro bhya Nyamuwanga na okusoosya obhubhambaasi inguru ya Yeesu. Mbe, riyoka eryo, niriimereeguru ku‑njekekera ya inyanja.

Obhusweruro 14:12

Woori, abheeru bha Nyamuwanga abhakenwa bheegumiirisye. Abho nibho abhagwata ebhiraagiro bhya Nyamuwanga na okwikirisya Yeesu.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.