1 Yoana 2:27 - Indagano Inyaaya mu-Chijita

²⁷ Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.

INDAGANO INYA:YA

²⁷ Nemwe rwa kutyo mwene ababambagire amafuta, okubambagwa okwo kwikae mwimwe. Amwi mutakenere mu:nu wa kube:gisya, nawe okubambagwa okwo rwa kutyo okube:igisya mu misango jo:ne, ka ni kwa cimari amwi rutari rurimi. Mbe rwa kutyo kwabe:igisisye, mwikarega mu Mwene.

1 Yoana 2:27 ပူးပေါင်းရင်းမြစ်များ

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Yowana 14:16

Mbe, anye nirisabhwa Raata abhayaane Omusakisi owundi, korereki abhe aamwi na emwe siku joone.

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 16:13

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 6:45

Jikaamirwe mu‑Bhikaame Ebhyeru bhya abharagi ati, ‘Abhaanu bhoone bhariyigisibhwa na Nyamuwanga.’ Mbe, omuunu woonewoone unu kaategeresya na okwiyigira okusooka ku‑Raata, kaaja kw‑anye.

1 Bakorinto 2:12

Nyamuwanga ꞉ataachiyaaye obhwiganirisya bhwa ku‑chaaro kunu, tari ꞉aachiyaaye Mwoyo waaye, korereki chimenye jinu chiyaaywe ku‑bhwitiriranya bhwa Nyamuwanga.

1 Bakorinto 2:13

Ka wone chitakwayika emisango jinu chiiyigisiibhwe na obhwengeeso bhwa abhaanu, tari misango jinu chiiyigisiibhwe na Mwoyo wa Nyamuwanga. Echiyobhoora emisango ja Mwoyo wa Nyamuwanga ku‑bhanu bhari na Mwoyo oyo.

2 Bakorinto 1:21

Mbe, Nyamuwanga niwe kaachirumatanya na emwe mu‑kwikirisya Kirisito. Achisorere

Baefeso 4:21

Enimenya chimari ati, ꞉mwoonguuwe ameeyigisyo inguru yaaye na okwiyigisibhwa kisikisi, kutyo echimari chiri mu‑Kirisito.

Bakolosai 2:6

Mbe woori, kwa okubha mweekirisya Kirisito Yeesu ati ni Raatabhugenyi, mugenderere okwikara muri na obhumwi nage.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

1 Batesalonika 4:9

Mbe, bhutari‑wo obhukene bhwa okubhakaamira inguru ya okwendana, kwa okubha Nyamuwanga omwene ꞉aabheeyigisiisye kutyo jeenderwe mwendane abheene kwa abheene.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

1 Yoana 2:28

Woori, abhaana bhaani mu‑riikirisya, mugenderere okubha na obhumwi na Kirisito, korereki omwanya gunu arisubha rindi, chisige okuubhaya na okwiswara, tari chibhe na ribhaasi.

1 Yoana 3:24

Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.

2 Yoana 1:2

Echibheenda kwa okubha eswe na emwe, echimenya echimari chinu chiyigiiye, ka wone echigenderera okuchimenya akajaanende.