1 Yoana 2:24 - Indagano Inyaaya mu-Chijita

²⁴ Kurwa ejo, mu‑myoyo jeemwe, mugenderere okuruubha emeeyigisyo garya ꞉mweeyigisiibhwe okusookerera omwanya gunu ꞉mwaambire okwikirisya Yeesu Kirisito. Okubha, araabha mukagenderera okuruubha ameeyigisyo ago, niwo omugenderera okubha na obhumwi na Omwana, aamwi na Raata Nyamuwanga.

INDAGANO INYA:YA

²⁴ Omusango gunu emwe mwonguywe kuso:ka ku bwambiro, gwikarega mwimwe. Omusango gunu mwonguywe kuso:ka ku bwambiro guke:kara mwimwe, nemwe one muri:kara mu Mwana na mu Rata.

1 Yoana 2:24 ပူးပေါင်းရင်းမြစ်များ

Ruuka 1:2

꞉Bhaakaamire rwa kutyo ꞉bhaatondeeywe na abhaanu bhanu ꞉bhaarorere emisango ejo okusookerera ku‑bhwambiro bhwa obhurame bhwa Yeesu. Nibho bharya bhaaraasyaga omusango gwa Yeesu, ka wone ꞉bhaachitondeeye eswe emisango jaaye.

Ruuka 9:44

“Woori, emisango jinu enija okubhabhwira, mujitegeresye kisi. Anye Omwana wa Omuunu, nirituurwa mu‑mabhoko ga abhaanu.”

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

Yowana 6:56

Omuunu woonewoone unu kaarya omubhiri gwani na okunywa isagama yaani, oyo kaabha na obhumwi na anye, anye wone enibha na obhumwi nage.

Yowana 8:25

Mbe, abheene nibhamubhuusya ati, “Woori, ka naawe ga?” Omwene ˆnaabhasubhya ati, “Naabhabhwira okusookerera ku‑bhwambiro ati naanye ga!

Bafilipi 4:15

Rwa kutyo emwe Abhafiriipi mumenyere, omwanya gunu ꞉naambire okubharaasisya Emisango ja Ekisi, na omwanya gunu ꞉naasookere mu‑mukoowa gwemwe gwa Makedooniya, emwe abheene era nibho mwariga nimunsakira. Rikanisa ryemwe era niryo ryariga riri na obhumwi naanye mu‑kusoosya na mu‑kuramira ebhiinu.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Baeburania 2:1

Kurwa ejo, cheenderwe chiyangarire ku‑misango jinu choonguuwe, korereki chaasiga okujisiga.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.

1 Yoana 2:7

Abheendwa bhaani mu‑riikirisya, echiraagiro chinu enibhakaamira chitari chiyaaya, tari ni chiryachirya cha kara chinu mwariga muri nacho okusookerera omwanya gunu ꞉mwaambire okwikirisya Yeesu Kirisito. Echiraagiro echo, ni musango gurya ꞉mwoonguuwe inguru ya eryenda.

1 Yoana 3:24

Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.

1 Yoana 4:13

Eswe chiri na obhumwi na Nyamuwanga, omwene wone ari na obhumwi na eswe. Echimenya kutyo, kwa okubha achiyaaye Mwoyo waaye.

1 Yoana 4:15

Omuunu woonewoone unu keekirisya na okutogora ati Yeesu ni Mwana wa Nyamuwanga, Nyamuwanga ari na obhumwi nage, omwene wone ari na obhumwi na Nyamuwanga.

1 Yoana 4:16

Woori, eswe echimenya na echiikirisya ati Nyamuwanga kaacheenda. Nyamuwanga ni ryenda. Omuunu woonewoone unu ari na eryenda, niwe ari na obhumwi na Nyamuwanga, Nyamuwanga wone ari na obhumwi nage.

2 Yoana 1:2

Echibheenda kwa okubha eswe na emwe, echimenya echimari chinu chiyigiiye, ka wone echigenderera okuchimenya akajaanende.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.

3 Yoana 1:3

꞉Naakondeeywe muno, abheejaasu abharebhe, bhejire bhaaja enu nibhambwira ati awe uri mwiyikanyibhwa mu‑chimari na owuruubha echimari.

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.