1 Yoana 2:21 - Indagano Inyaaya mu-Chijita

²¹ Isonga ya okubhakaamira inyarubha inu, itari ati, mutakumenya echimari, tari kwa okubha muchimenyere. Ka wone ameeyigisyo goonegoone ga orubheeyi gatakusooka mu‑chimari.

INDAGANO INYA:YA

²¹ Nitabandikiye okuba mutamenyere je cimari, nawe okuba mujimenyere, okuba rutariwo rurimi runu oruso:ka mu je cimari.

1 Yoana 2:21 ပူးပေါင်းရင်းမြစ်များ

Yowana 18:37

Mbe, Piraato ˆnaamubhuusya ati, “Kutyo mbe, awe uri mukama?” Yeesu ˆnaamusubhya ati, “Naawe waayika ati, anye niri mukama. Anye ꞉neebhuuywe na okuuja ku‑chaaro kunu, korereki niiyigisye abhaanu echimari. Omuunu woonewoone unu kaaruubha echimari, kaategeresya emisango jaani.”

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Yakobo 1:19

Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

2 Petero 1:12

Kurwa ejo, nirigenderera okubheechukya emisango ejo siku joone, noorwo kutyo omujimenya na okwimaririra mu‑chimari chinu ꞉mweeyigiiye.

1 Yoana 3:19

Araabha chikeendana kutyo, niwo echimenya ati, chiri bhaana bha echimari bha Nyamuwanga. Ka wone, emyoyo jeeswe ejifuungʼama imbere yaaye.

Yuuda 1:5

Noorwo kutyo mumenyere kisi ejo joone, enikena okubheechukya kutyo Raatabhugenyi ꞉aawoniisye Abhayisirayeeri okusooka mu‑chaaro cha Miisiri munu bhaariga nibhanyaaka, nawe ejire aamara ˆnaasingaarisya abhaanu bhanu ꞉bhaaremere okumwikirisya.