1 Yoana 2:18 - Indagano Inyaaya mu-Chijita

¹⁸ Abhaana abheendwa mu‑riikirisya, jisiku ja obhuteero jaakinga! Mwonguuwe ati omusoko wa Kirisito kaaja, noorwo woori abhasoko abhaafu bha Kirisito bheejire. Kutyo nikwo echimenya ati chiri mu‑siku ja obhuteero.

INDAGANO INYA:YA

¹⁸ Aba:na bato:to, omwanya gunu ni gwa ku bute:ro. Rwa kutyo mwonguywe ati, omuremo wa Kristo ka:ja, na ka wori abaremo ba Kristo bariwo ba:fu. Kwecikora nicimenya ati, omwanya gunu ni gwa ku bute:ro.

1 Yoana 2:18 ပူးပေါင်းရင်းမြစ်များ

Matayo 24:11

“Ku‑mwanya ogwo, bharibhaga nibheebhuka abharagi bhaafu bha orubheeyi, bhajige abhaanu bhaafu.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 24:5

Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Abhaanu abho bharibha nibhajiga abhaanu bhaafu.

Mariko 13:6

Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Abhaanu abho bharibha nibhajiga abhaanu bhaafu.

Yowana 21:5

Mbe, Yeesu ˆnaabhabhirikira ati, “Emwe bhasaani bhaani, angu, mweta‑ko iiswi yooneyoone?” Abheene nibhamusubhya ati, “Wuri.”

Barumi 13:11

Mukorega ejo joone, kwa okubha mumenyere ati, omwanya gwa okurafya okusooka mu‑tiro gwakinga. Ringira, omwanya gwa obhuchungusi bhweswe guri yeeyi muno, okukira omwanya gunu ꞉chaambire okwikirisya Yeesu.

Barumi 13:12

Woori, obhwire bhwaja okucha, mu‑mwisi yaafogera. Kurwa ejo, chisige ebhikorwa ebhibhiibhi bhinu ebhikorwa mu‑chisuute, na chigege ebhigwato bhya obhweru.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

1 Petero 1:5

Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

2 Petero 2:1

Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

2 Petero 3:3

Omusango gwa bhusibhusi gunu omukenwa mumenye ni ati, mu‑siku ja obhuteero, bhariija abhaanu abha okusiijaaka muno, bhanu bhariruubhaga okurigira kwebhwe okubhiibhi. Bharisiijaaka

1 Yoana 2:22

Angu, omuunu omubheeyi niga? Omuunu omubheeyi ni woonewoone unu kaayika ati Yeesu atari Kirisito. Omuunu woonewoone unu kaarema Raata Nyamuwanga na Yeesu Omwana waaye, oyo niwe omusoko wa Kirisito.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

1 Yoana 4:3

Nawe omuunu woonewoone unu keekirisya ati Yeesu aariga atari na omubhiri, atakutangasibhwa na Mwoyo wa Nyamuwanga. Tari, kaatangasibhwa na omwoyo wa omusoko wa Kirisito, unu mwonguuwe ati kaaja. Woori omwoyo oyo eejire mu‑chaaro munu.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

Yuuda 1:18

Bhaabhabhwiraga ati, “Mu‑siku ja obhuteero bhariibhuka abhaanu abha okusiijaaka, bhanu bhariruubhaga okurigira kwebhwe okubhiibhi.”