1 Yoana 2:16 - Indagano Inyaaya mu-Chijita

¹⁶ Okubha ebhibhiibhi, nijo jitungwa jinu, okurigira okubhiibhi kwa omubhiri, okurigira okubhiibhi kwa ameeso na okwikuuya kunu okuruubhana na ribhona rinene. Jitungwa jinu jitakusooka ku‑Raata Nyamuwanga, tari ejisooka mu‑chaaro munu.

INDAGANO INYA:YA

¹⁶ Okuba binu biri mu:si, nikwo okurigira kwo mubiri, no kurigira kwa me:so, no kwiku:ya kwo buanga, ebyo bitakuso:ka ku Rata, nawe ebiso:ka mu:si.

1 Yoana 2:16 ပူးပေါင်းရင်းမြစ်များ

Matayo 4:8

Ku‑bhuteero, Syetaani ˆnaagega Yeesu ˆnaamusira ku‑chiima echireera muno. Awo, ˆnaamweresya obhukama na obhuniibhi bhwa ebhyaro bhyone,

Matayo 5:28

Nawe anye enibhabhwira ati, omurume woonewoone unu kaaringira omugasi ˆnaamurigira, aakorere obhuromesi nage mu‑mutima gwaye.

Ruuka 4:5

Neeya Syetaani ˆnaagega Yeesu ˆnaamusira ku‑chiima echireera muno. Awo ˆnaamweresya obhukama bhwone bhwa ebhyaro bhyone ku‑mwanya ogwoogwo.

Barumi 13:14

Tari woori, mu‑bhurame bhwemwe bhwone, mutangasibhwega na Raatabhugenyi Yeesu Kirisito. Mwasiga okwikirisya noorwo na akatyari okutangasibhwa na obhusimukwa bhwemwe bhwa echibhiibhi kwa okuruubha okurigira kwemwe okubhiibhi.

1 Bakorinto 10:6

Mbe, emisango ejo ni bhijekekanyo kw‑iswe, korereki chaasiga okwigomba amabhiibhi, rwa kutyo abheene ꞉bheegombere amabhiibhi.

Bagalatia 5:17

Enibhabhwira kutyo, kwa okubha okurigira kwa omubhiri kwisigombera jinu Mwoyo Mweru atakwenda, na Mwoyo Mweru wone, keesigombera jinu okurigira kwa omubhiri kutakwenda. Mwoyo Mweru na okurigira kwa omubhiri ni bhasoko, ebhiyaajana, okukingira emwe okubhurwa obhwitaage bhwa okukora jinu omwenda.

Bagalatia 5:24

Abhaanu bhanu bhari na obhumwi na Kirisito Yeesu, bhatakutungwa na okurigira kwebhwe kwa omubhiri aamwi na obhwiganirisya bhwebhwe obhubhiibhi. Bhaabhambire okurigira okwo, ku‑musarabha gwa Yeesu.

Baefeso 2:3

Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

Yakobo 3:15

Obhwengeeso bhwa imbaga eyo, bhutakusooka ku‑Nyamuwanga, tari ni bhwengeeso bhunyachaaro, bhunyamuunu na obhusooka ku‑Syetaani.

Yakobo 4:16

Nawe woori emwe, omwikumangya na omwikuuya. Okwikumangya okwo, ni ku‑bhibhiibhi.

1 Petero 1:14

Emwe muri bhaana bha Nyamuwanga. Mbe woori, mumugayuke, musige okuruubha rindi okurigira kunu mwariga muri nakwo muchaari okumenya Emisago ja Ekisi inguru ya Yeesu Kirisito.

1 Petero 2:11

Abheendwa, emwe muri rwa abhagenyi na abhayitingʼani ku‑chaaro kunu. Kurwa ejo, enibheerembeeresya ati, mwikenge obhurigire bhwa emibhiri jeemwe bhunu obhuyaajana na emitima jeemwe.

2 Petero 2:10

chimwichimwi bharya abharuubha okurigira okubhiibhi kwa echinyamubhiri na okugaya obhuturo bhwa Nyamuwanga. Abheeyigisya bha orubheeyi abho, bhari na jitungwa ja jimamba na orwikuuya, noorwo bhatakuubhaya okufuma ebhibhumbwa bhya rikusyo bhya mu‑rwire.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.