1 Yoana 2:13 - Indagano Inyaaya mu-Chijita

¹³ Enibhakaamira emwe abhakaruka mu‑riikirisya, kwa okubha omusombookerwa Yeesu Kirisito, unu aariga ari‑wo chichaari kubha‑wo echiinu choonechoone. Enibhakaamira emwe abhasigaji mu‑riikirisya, kwa okubha muyigire Omubhiibhi urya. Enibhakaamira emwe abharera mu‑riikirisya, kwa okubha omusombookerwa Raata Nyamuwanga.

INDAGANO INYA:YA

¹³ Enibandikira emwe, barata, okuba mumenyere Oyo ariwo okuso:ka ku bwambiro. Enibandikira emwe abamura, okuba mwaigire omubi:bi. Nabandikiye emwe aba:na abato:to, okuba mumenyere Rata.

1 Yoana 2:13 ပူးပေါင်းရင်းမြစ်များ

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Matayo 5:37

Mwayikega ati, ni chimari ikabha iri chimari, mwayikega ati, ni wuri jikabha jiri wuri. Emisango joone jinu ejikira ejo, ejisooka ku‑Mubhiibhi urya.

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Yowana 14:7

Araabha mukammenyere anye, mwakamenyere na Raata waani wone. Okwambira woori, omumumenya, ka wone mwamurorere.”

Yowana 14:9

Yeesu ˆnaamusubhya ati, “Firipo, niikaaye aamwi na emwe omwanya omureera gunu, uchaari kummenya? Omuunu woonewoone unu andorere, ararorere Raata. Mbe, kurwa ki owumbwira ati, ‘Cheeresye Raata’?

Yowana 16:3

Bharibhakorera emisango ejo, kwa okubha bhatakumenya Raata, noorwo anye wone bhatakummenya.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 8:19

Niwo Abhafarisaayo nibhabhuusya Yeesu ati, “Angu, Esomwana ari aaki?” Yeesu ˆnaabhasubhya ati, “Anye mutakummenya, noorwo Raata waani mutakumumenya. Araabha mukammenyere anye, Raata waani wone mukamumenyere.”

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

1 Timoteo 5:1

Waasiga okugonya omukaruka, tari umutongere rwa kutyo owutongera esomwana. Abhasigaji ubhatongere rwa abhamura bhaanyu,

Tiito 2:6

Nyabhuriko abhasigaji, ubhasimbiisye korereki bheeyingirirega.

1 Yoana 1:1

Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.

1 Yoana 2:1

Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.

1 Yoana 2:12

Enibhakaamira emwe abhaana bhaani mu‑riikirisya, kwa okubha Nyamuwanga abhafwiriiye echigongo ebhibhiibhi bhyemwe, kw‑isiina rya Yeesu Kirisito.

1 Yoana 2:14

Enibhakaamira emwe abhakaruka mu‑riikirisya, kwa okubha omusombookerwa Yeesu Kirisito, unu aariga ari‑wo chichaari okubha‑wo echiinu choonechoone. Enibhakaamira emwe abhasigaji mu‑riikirisya, kwa okubha eriikirisya ryemwe ku‑Yeesu Kirisito riri na amanaga muno na omusango gwa Nyamuwanga bhuri rusuku guri mu‑myoyo jeemwe, ka wone muyigire Omubhiibhi urya.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

1 Yoana 4:4

Mbe, emwe abhaana bhaani mu‑riikirisya, mwabheeye abhaana bha Nyamuwanga, ka wone muyigire abharagi abhabheeyi abho. Mubhayigire kwa okubha, Mwoyo wa Nyamuwanga unu ari mu‑myoyo jeemwe, ari na obhuturo okukira mwoyo wa Syetaani unu kaatangasya abhaanu bhanu bhatakugayuka Nyamuwanga.

1 Yoana 5:18

Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.