1 Yoana 2:11 - Indagano Inyaaya mu-Chijita

¹¹ Nawe omuunu unu kaasoka oweejaabho, ari mu‑chisuute. Kaaribhata mu‑chisuute, atakumenya anu kaaja, kwa okubha, ebhibhiibhi bhimukorere okubha rwa omuwofu.

INDAGANO INYA:YA

¹¹ Nawe unu kasoka omwana wabo ari mu cisu:te, karibatira mu cisu:te, amwi atakumenya eyo kagenda, okuba ecisu:te camuofufifye ame:so.

1 Yoana 2:11 ပူးပေါင်းရင်းမြစ်များ

Yowana 12:35

Yeesu ˆnaabhabhwira ati, “Obhweru bhuchaari aamwi na emwe kwa omwanya mufuyi era. Mugenderere okuribhata mu‑bhweru bhunu omwanya gunu bhuchaari‑wo, korereki echisuute chaasiga okubhayiga, kwa okubha omuunu unu kaaribhata mu‑chisuute, atakumenya anu kaagenda.

Yowana 12:40

“Naawofufya ameeso geebhwe, na okukora emyoyo jeebhwe okubha emikomeeye, korereki bhaasiga okurora kwa ameeso geebhwe, na bhaasiga okusombookerwa kwa emyoyo, bhaasiga okunyindukira nimbachungura.”

2 Bakorinto 3:14

Nawe emyoyo jeebhwe nijikorwa okubha emikomeeye. Noorwo woori bhaakasoma Indagano ya Kara, abhataamibhwa okusombookerwa echimari, abhabha wuti bhayingirisiibhwe na echitambaara chirya. Echitambaara chirya chichaari kusoosibhwa‑wo, kwa okubha echisoosibhwa‑wo era, omwanya gunu omuunu keekirisya Kirisito.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

2 Petero 1:9

Nawe omuunu unu atari na jitungwa ejo, omwene ari rwa omuwofu, nikwo okwayika ati, atakurora kura, kwa okubha arabhiiywe ati Nyamuwanga amwesiisye ebhibhiibhi bhyaye.

1 Yoana 1:6

Araabha echaayika ati chiri na obhumwi na Nyamuwanga, keenu nichigenderera okwikara mu‑chisuute, mbe echaayika orubheeyi. Ka wone echibha chitakukora ja echimari.

1 Yoana 2:10

Tari muunu woonewoone unu keenda oweejaabho, eekaaye mu‑bhweru. Chitari‑mo echiikuujuro choonechoone mu‑mwoyo gwaye, cha okukora akore ebhibhiibhi.

1 Yoana 2:9

Omuunu woonewoone unu kaayika ati aramire mu‑bhweru, keenu kaasoka oweejaabho, achaaramire mu‑chisuute.

1 Yoana 3:15

Omuunu woonewoone unu kaasoka oweejaabho ni mwiti. Emwe mumenyere ati omwiti woonewoone wa abhaanu atari na obhuwanga bhwa akajaanende koone mu‑mwoyo gwaye.

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.

Obhusweruro 3:17

Omwayika ati, ‘Eswe chiri abhaniibhi. Chaniibhire muno. Chiri na bhuri echiinu chinu echikena!’ Nawe mutakumenya ati emwe mutari na amanaga, muri bhaanu bha okufwirwa echigongo, muri bhataka, muri bhawofu, ka wone muri tuyu.