1 Yoana 2:1 - Indagano Inyaaya mu-Chijita

¹ Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.

INDAGANO INYA:YA

¹ Emwe ba:na ba:ni bato:to, enibandikira jinu korereki musige kukora ebibi:bi. Mbe omu:nu wo:ne akakora ebibi:bi, ciri na unu kacisabirwa ku Rata, niwe Yesu Kristo omurenge:resi.

1 Yoana 2:1 ပူးပေါင်းရင်းမြစ်များ

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Yowana 10:15

rwa kutyo Raata ammenyere, anye wone nimumenyere kisi. Anye enisoosya obhuwanga bhwani inguru ya jinaama jaani.

Yowana 13:33

“Emwe abhaana bhaani abheendwa, nichaari aamwi na emwe katungu katooto era. Murinyenja, nawe rwa kutyo ꞉naabhwiriiye abhatangasya bha Abhayawudi, nikwo kutyo woori nibhabhwira emwe wone ati, anu enigenda, emwe mutaritura okuuja‑wo.

Yowana 14:16

Mbe, anye nirisabhwa Raata abhayaane Omusakisi owundi, korereki abhe aamwi na emwe siku joone.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 21:5

Mbe, Yeesu ˆnaabhabhirikira ati, “Emwe bhasaani bhaani, angu, mweta‑ko iiswi yooneyoone?” Abheene nibhamusubhya ati, “Wuri.”

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

Yowana 5:36

Nawe obhubhambaasi bhunu anye niri nabhwo ni bhunene okukira bhwa Yowana bhurya, kwa okubha emirimu jinu Raata ꞉aanaaye okukuumisya, nijo ejeeresya ati, Raata niwe ꞉aantumire.

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”

Yowana 8:11

Omugasi oyo ˆnaamusubhya ati, “Mwami, atari‑wo noorwo umwi wa okundamura.” Mbe, Yeesu ˆnaamubhwira ati, “Noorwo anye nitakukuramura. Genda, nawe okwambira reero, usige okukora ebhibhiibhi rindi.”]

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

Barumi 5:10

Omwanya gunu chaariga chichaari abhasoko bhaaye, ꞉chaagwatanyiibhwe na Nyamuwanga okutura ku‑rufu rwa Omwana waaye. Woori, kwa okubha chigwatanyiibhwe okutura ku‑rufu rwaye, chimari chirichungurwa okutura obhuwanga bhwaye.

Barumi 6:15

Woori chaayike ki? Angu, chigenderere okukora ebhibhiibhi, kwa okubha chitakutangasibhwa na obhuturo bhwa ebhiraagiro, tari echitangasibhwa na obhwitiriranya bhwa Nyamuwanga? Wuri, noorwo na akatyari!

Barumi 8:34

Ka wone niga unu arichiramura? Atari‑wo, kwa okubha Kirisito Yeesu, niwe ꞉aafuuwe, ˆnaasuuruka okusooka mu‑bhafuuwe. Ka wone, woori niwe ari orubhaara rwa ebhuryo rwa Nyamuwanga, niwe kaachisabhirwa.

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 4:19

Abhaana bhaani mu‑riikirisya, anye enirumwa obhusungu rindi inguru yeemwe, rwa kutyo omugasi unu afugaaye kaarumwa obhusungu omwanya gwa okwibhura. Eniiyungwa kutyokutyo, okukingira anu itungwa ya Kirisito iribhonekana mu‑tungwa jeemwe.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Baefeso 4:26

Mukabhiyirwa mutaja okukora echibhiibhi, noorwo risuubha risige okugwa, risungu richaari okubheeka.

1 Timoteo 2:5

Ari‑wo Nyamuwanga umwi era. Wone omugwatanya agati ya abhaanu na Nyamuwanga ni umwi era, niwe omuunu Kirisito Yeesu.

1 Timoteo 3:14

Enikukaamira inyarubha inu, noorwo kutyo eniiyikanya okuuja kw‑awe omwanya gutari mureera.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

Yakobo 3:9

Ku‑njira ya orurimi echikuuya Raata, oyo niwe Raatabhugenyi weeswe, nyabhuriko, ku‑njira ya orurimi orwoorwo echiiyiima abhaanu bhanu Nyamuwanga abhumbire mu‑rususo rwaye.

1 Petero 2:22

Omwene ꞉ataakorere echibhiibhi choonechoone, noorwo ꞉ataayikire orubheeyi rwonerwone.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.

1 Yoana 3:5

Emwe mumenyere kisikisi ati isonga ya Kirisito okuuja ku‑chaaro kunu ni kugega ebhibhiibhi bhyeswe. Ka wone, mumenyere ati omwene atari na echibhiibhi choonechoone.

1 Yoana 3:7

Mbe, abhaana bhaani mu‑riikirisya, mwangarire korereki omuunu woonewoone aasiga okubhayabhya. Omuunu woonewoone unu kaakora ja rirenga, ni murengeresi, rwa kutyo Kirisito ari murengeresi.

1 Yoana 4:4

Mbe, emwe abhaana bhaani mu‑riikirisya, mwabheeye abhaana bha Nyamuwanga, ka wone muyigire abharagi abhabheeyi abho. Mubhayigire kwa okubha, Mwoyo wa Nyamuwanga unu ari mu‑myoyo jeemwe, ari na obhuturo okukira mwoyo wa Syetaani unu kaatangasya abhaanu bhanu bhatakugayuka Nyamuwanga.

1 Yoana 5:17

Okukora echikorwa choonechoone chinu chiteeyire imbere ya Nyamuwanga, nikwo okukora ebhibhiibhi. Nawe aamwi na ejo, bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone.

1 Yoana 5:21

Abhaana bhaani mu‑riikirisya, mwiyangarire mwasiga okuramya amasusano.

3 Yoana 1:4

Chitari‑wo echiinu chinu echinkondisya muno, okukira okuungwa ati abhaana bhaani mu‑riikirisya abhagenderera okuruubha echimari.