1 Yoana 1:4 - Indagano Inyaaya mu-Chijita

⁴ Echibhakaamira inyarubha inu, korereki bhoone chikondererwe aamwi.

INDAGANO INYA:YA

⁴ Enibandikira jinu, korereki okukonderwa kweswe kuku:mire.

1 Yoana 1:4 ပူးပေါင်းရင်းမြစ်များ

Yowana 15:11

“Naabhabhwira ejo korereki rikonderwa ryani ribhe mu‑myoyo jeemwe, na rikonderwa ryemwe rikuumire.

Yowana 16:24

Noorwo woori, muchaari kusabhwa echiinu choonechoone ku‑Nyamuwanga okutura kw‑isiina ryani. Musabhwe Nyamuwanga, kaja okubhayaana. Ku‑njira eyo rikonderwa ryemwe erija okukuumira.

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

2 Bakorinto 1:24

Chinu eneenda okwayika ni ati, chitakwenda okutunga eriikirisya ryemwe, okubha murumateene mu‑riikirisya. Tari, eswe chiri bhakosi bha emirimu aamwi na emwe, inguru ya rikonderwa ryemwe.

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

1 Yoana 2:1

Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.

2 Yoana 1:12

Woori, niri na emisango myafu ja okubhabhwira, nawe nitakwenda okubhakaamira ku‑rupapura era. Tari, eniiyikanya okuuja okubhagosorera na okusimura na emwe chibhuganganyiisye ameeso, korereki bhoone chikondererwe aamwi.