1 Yoana 1:1 - Indagano Inyaaya mu-Chijita

¹ Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.

INDAGANO INYA:YA

¹ Ecibabwira ejo Musango gwo buanga, gunu gwabeeo kuso:ka ku bwambiro, na gunu carorere na me:so geswe, na ka gunu ce:komeresisye, na maboko geswe nigagugwatako.

1 Yoana 1:1 ပူးပေါင်းရင်းမြစ်များ

Ruuka 1:2

꞉Bhaakaamire rwa kutyo ꞉bhaatondeeywe na abhaanu bhanu ꞉bhaarorere emisango ejo okusookerera ku‑bhwambiro bhwa obhurame bhwa Yeesu. Nibho bharya bhaaraasyaga omusango gwa Yeesu, ka wone ꞉bhaachitondeeye eswe emisango jaaye.

Ruuka 24:39

Muringire amabhoko na amaguru gaani, niwo mumenye ati naanye omwene! Mumbabhaate, mwirorere abheene, kwa okubha risambwa ritari na eminofu na amawa rwa kutyo omundora anye niri nabhyo.”

Yowana 19:35

Emisango jinu ꞉jaakaamirwe na omuunu unu ꞉aarorere jinu jaariga nijikorekana. Obhubhambaasi bhwaye ni bhwa echimari, ka wone amenyere ati kaayika ja echimari, korereki emwe wone mwikirisye.

Yowana 20:27

Mbe, Yeesu ˆnaabhwira Tomaasi ati, “Awe Tomaasi, nuukuunʼye anu na echaara chaawo. Ringira ebhiganja bhyani. Nuukuunʼye na okubhoko kwawo mu‑rubhafu rwani. Usige okugenderera okurema okwikirisya, tari wiikirisye.”

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

Yowana 8:58

Yeesu ˆnaabhasubhya ati, “Ni chimari enibhabhwira ati, anye niri‑wo okusookerera omwanya gunu Bhurayimu aariga achaari kwibhurwa.”

Ebikorwa 1:3

Ejire aasuuruka okusooka mu‑fwa, ꞉aamarire siku makumi gana, ˆneebhuurisya ku‑tumwa ejo kwiya kaafu. Mu‑bhibharikisyo bhyafu aabheeresyaga abhwerubhweru ati ni muwanga na aabheeyigisyaga emisango ja obhukama bhwa Nyamuwanga.

Ebikorwa 4:20

Okubha eswe chitakutura okusiga okwayika inguru ya emisango jinu ꞉chaarorere na okuungwa!”

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

1 Yoana 5:7

Ka wone, Mwoyo Mweru niwe kaasoosya obhubhambaasi ati ejo ni ja echimari, kwa okubha omwene niwe echimari.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Obhusweruro 1:8

Raatabhugenyi Nyamuwanga kaayika ati, “Naanye Obhwambiro na Obhuteero. Anye niri‑wo, naariga niri‑wo na niribha‑wo. Anye niri Nyamuwanga owa obhuturo bhwone.”

Obhusweruro 19:13

Ka wone afwaye omwingiro gunu gwinirwe mu‑sagama. Risiina ryaye kaatogwa ati, “Omusango gwa Nyamuwanga.”

Obhusweruro 2:8

“Ukaamire maraayika wa mw‑ikanisa rya Simuriina kutya, Anye niri wa okwamba na owa obhuteero. ꞉Naafuuwe, ninsuuruka! Mutegeresye jinu enibhabhwira!