1 Timoteo 6:9 - Indagano Inyaaya mu-Chijita

⁹ Nawe abhaanu bhanu bhari na obhurigire bhwa obhuniibhi, abhagwa mu‑maregeejo, nibhakomwa mu‑tuura na mu‑namba nyafu ja obhutaamutaamu. Obhurigire obhwo obhubhanyamura okukingira bhasingaarisibhwe.

INDAGANO INYA:YA

⁹ Nawe banu abenda okuni:ba abagwa mu kusakwa na mu muye:to, na mu kurigira okwafu okwo bumu:mu na kunu okunyamura. Okurigira okwo okutubisya aba:nu mu kusimagira no kubura.

1 Timoteo 6:9 ပူးပေါင်းရင်းမြစ်များ

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Matayo 19:22

Omusigaji oyo ejire oongwa omusango ogwo, ˆnaagenda asurumbaaye, kwa okubha aariga ari muniibhi muno.

Matayo 26:15

ˆnaabhabhuusya ati, “Omuja okundiya ki araabha nikatuura Yeesu mu‑mabhoko geemwe?” Niwo nibhamuriya jipirya makumi gasatu.

Matayo 6:19

“Mwasiga okwibhiikira ebhibhiikwa ku‑chaaro kunu, anu amayeenje na obhutaretare ebhinyamura na abheefi abhafumura orwigi korereki bheebhe.

Mariko 4:19

nawe, abhajigwa muno na obhwiganirisya bhwa obhurame bhwa ku‑chaaro anu na okubhona ribhona ryafu na okurigira ebhiinu ebhindi. Ejo ejiyiganya omusango gwa Nyamuwanga, nigutaamibhwa okutwasya amatwasyo mu‑bhurame bhwebhwe.

Ruuka 12:21

Yeesu, ˆnaamariisya kwa okwayika ati, “Nikwo kutyo jiribha, ku‑muunu unu keekumanyisya ebhiinu bhyafu inguru yaaye omwene, nawe obhuniibhi bhwaye bhutari na omuriiro gwonegwone imbere ya Nyamuwanga.”

Ruuka 21:35

Orusuku orwo, ruritakya abhaanu bhoone ku‑chaaro choone.

Ebikorwa 8:20

Peetero ˆnaamusubhya ati, “Singaarika awe na jipirya jaawo, kwa okubha owitogera ati echiyaanwa cha Nyamuwanga echibhonekana kwa okugurwa na jipirya!

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

1 Timoteo 1:9

Wone jiiyire okumenya ati, ebhiraagiro bhitateeywe‑wo inguru ya abharengeresi, tari inguru ya bhanu abhanyamura ebhiraagiro na inguru ya bhanyatagayuka, ku‑bhanu bhatakuramya Nyamuwanga na ku‑bhakosi bha ebhibhiibhi, ku‑bhanu bhatari na mitima myeru na ku‑bhajabhi, ku‑bhanu abheeta bheesemwene, bhanyiramwene na ku‑bheeti bha abhaanu,

1 Timoteo 3:7

Tari, abhe omuunu unu kaayikwa kisi noorwo na bhanyateekirisya, korereki aasiga okwayikwa kubhiibhi na okukomwa mu‑rutuura rwa Syetaani.

1 Timoteo 6:10

Okubha inamba imbiibhi ya okubhona jipirya nibhwo obhwambiro bhwa ebhibhiibhi bhyafu bhya bhuri mbaga. Abhaanu abhandi bhanu abheegomba obhuniibhi kutyo, bhajigirwe na bhasigire eriikirisya. Woori, abhaanu abho bheeretereeye obhusurumbaaye bhwafu mu‑myoyo jeebhwe.

1 Timoteo 6:17

Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

2 Timoteo 2:26

Niwo, obhwenge bhwebhwe bhubhasubhire, bhachunguke okusooka mu‑rutuura rwa Syetaani. Omwene abhagwatire, korereki bhabhe nibhakora eryenda ryaye.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

Yuuda 1:11

Jiribhabhona, kwa okubha bharuubhire orugere rwa Kayini na okukora ebhibhiibhi. Bheeyingisiisye mu‑chikayo, korereki bhabhone ribhona, rwa kutyo Bharaamu ꞉aakorere. Bharisingaarika inguru ya bhunyatagayuka bhwebhwe, rwa kutyo Koora ꞉aasingaarikire inguru ya bhunyatagayuka bhwaye.