1 Timoteo 6:3 - Indagano Inyaaya mu-Chijita

³ Bhari‑wo abhaanu bhanu abheeyigisya ameeyigisyo ga orubheeyi. Abheeyigisya ameeyigisyo ganu gatakwikirisyanya na ameeyigisyo ga echimari ga Raatabhugenyi weeswe Yeesu Kirisito, ka wone gatakwikirisyanya na ameeyigisyo ganu agasakira abhaanu okwikara rwa kutyo Nyamuwanga keenda.

INDAGANO INYA:YA

³ Omu:nu wo:ne ake:igisya kundi, amwi akarema okwikirisya emisango jinu ji:mire, nijo eja Ratabugenyi Yesu Kristo, ne jo kwiigisya kunu kwiire oku:baya Nyamuanga.

1 Timoteo 6:3 ပူးပေါင်းရင်းမြစ်များ

Matayo 22:21

Abheene nibhamusubhya ati, “Ni bhya Kayisaari.” Yeesu ˆnaabhabhwira ati, “Mbe, bhya Kayisaari, muyaane Kayisaari na ebhya Nyamuwanga, muyaane Nyamuwanga.”

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

1 Timoteo 1:10

ku‑bharomesi na ku‑bhanu abhasambuka abharume abheejaabho, ku‑bhanu abheetegaanira abhaanu na okubhagusya mu‑bhugaya, abhabheeyi na ku‑bhanu abharayira ku‑rubheeyi. Ebhiraagiro bhiteeywe‑wo ku‑misango joone jinu jitakwikirisyanya na ameeyigisyo ga echimari.

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

1 Timoteo 1:6

Nawe abheeyigisya bha orubheeyi abho ꞉bhaasigire ejo, bhayindukire, abhaayika emisango jinu jitari na omuriiro.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Tiito 1:9

Abhe na eriikirisya rinu rirumateene ku‑misango ja echimari inguru ya Yeesu Kirisito, rwa kutyo ꞉eeyigisiibhwe. Niwo omwene wone, kaatura okusimbiisya abhaanu abhandi ku‑meeyigisyo ga echimari na okugonya abhaanu bhanu abhaayika emibhiibhi inguru ya ameeyigisyo ago.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.