1 Timoteo 6:2 - Indagano Inyaaya mu-Chijita

² Araabha abhagaya bhari na abhaami abheekirisya bhasige okubhagaya, kwa okubha abheene wone ni bhayiri. Abhagaya abho, abhakenwa bhabhakorere ja ekisi muno, kwa okubha abhabha nibhasakira abheekirisya abheejaabho, ka wone ni bheendwa bheebhwe. Ejo ujiiyigisye na okujikomeeresya.

INDAGANO INYA:YA

² Banu bari na be:sebugenyi banu abe:kirisya, basiga kubagaya, okuba ni ba:na ba:su. Nawe akiri babakorerega okuba banu ababona amabona mu mirimu je kisi, nibo abe:kirisya na bendwa. Wiigisyega ebyo no kukomeresya.

1 Timoteo 6:2 ပူးပေါင်းရင်းမြစ်များ

Matayo 23:8

“Nawe emwe, musige okwikirisya okubhirikirwa, ‘omwiyigisya,’ kwa okubha muri na Omwiyigisya umwi era, na emwe bhoone muri bhayiri.

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 6:24

“Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Barumi 11:17

Woori, amatabhi amarebhe ga omujeyituuni ꞉gaatemerwe, na amatabhi agandi ga omujeyituuni gwa ibhara nigongwa‑ko, nigabha agati ya amatabhi ga obhusimukwa ga omujeyituuni gunu. Amatabhi goone agabhona ebhiryo okusooka ku‑misi jiryajirya ja omujeyituuni. Woori emwe, neemwe amatabhi ga omujeyituuni gwa ibhara.

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Baefeso 1:15

Nikwo kutyo anye wone, okusookerera omwanya gunu ꞉noonguuwe eriikirisya rinu muri naryo ku‑Raatabhugenyi Yeesu na eryenda rinu muri naryo ku‑bheeru bhoone,

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Bakolosai 1:2

Echikaamira emwe abheeru bha Nyamuwanga bhanu mwikaaye mu‑musi gwa Korosaayi, emwe abhayiri bheeswe abheeyikanyibhwa mu‑kubha na obhumwi na Kirisito. Obhwitiriranya na omurembe okusooka ku‑Nyamuwanga, Raata weeswe, bhibhe aamwi na emwe.

Bakolosai 1:4

Echikora kutyo, kwa okubha echuungwa emisango inguru ya eriikirisya ryemwe mu‑Kirisito Yeesu na inguru ya eryenda ryemwe ku‑bheeru bhoone bha Nyamuwanga.

Bakolosai 4:1

Emwe abhaami, mukoreraga abhagaya bheemwe mu‑bhurengeresi rwa kutyo jiiyire bhakorerwe. Mwichuke ati emwe wone muri na omwami weemwe mu‑rwire, niwe Raatabhugenyi.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Timoteo 4:11

Iyigisya na okuragirira abhaanu emisango ejo.

1 Timoteo 5:1

Waasiga okugonya omukaruka, tari umutongere rwa kutyo owutongera esomwana. Abhasigaji ubhatongere rwa abhamura bhaanyu,

Tiito 2:1

Nawe awe Tiito, mu‑meeyigisyo gaawo, wiyigisye abhaanu ameeyigisyo ga echimari era.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

2 Petero 2:10

chimwichimwi bharya abharuubha okurigira okubhiibhi kwa echinyamubhiri na okugaya obhuturo bhwa Nyamuwanga. Abheeyigisya bha orubheeyi abho, bhari na jitungwa ja jimamba na orwikuuya, noorwo bhatakuubhaya okufuma ebhibhumbwa bhya rikusyo bhya mu‑rwire.

Yuuda 1:8

Noorwo kutyo indamu ya Nyamuwanga iri kutyo, abheeyigisya bha orubheeyi bharya, abharoota ebhirooto bhinu ebhireterera bhajabhiyaasye emibhiri jeebhwe, abherema obhuturo bhwa Nyamuwanga na okufuma ebhibhumbwa ebhya rikusyo bhya mu‑rwire.