1 Timoteo 5:8 - Indagano Inyaaya mu-Chijita

⁸ Nawe omuunu woonewoone unu atakusakira abhaanu bhaaye, chimwichimwi bharya bha mu‑musi gwaye, oyo kaabha asigire eriikirisya, ka wone, ni mubhiibhi okukira unu atari mwikirisya.

INDAGANO INYA:YA

⁸ Nawe omu:nu wo:ne akarema okwama abae, no kukira akarema okwama aba mu nyumba yae, oyo okwikirisya akuremere, atakwikirisya.

1 Timoteo 5:8 ပူးပေါင်းရင်းမြစ်များ

Matayo 18:17

Araabha akarema okubhoongwa, ugende ubhwire rikanisa. Araabha akarema okuungwa rikanisa, umurore wuti munyamanga amwi wuti mutobhesya wa rigooti.

Matayo 7:11

Chimari, emwe muri abha ebhibhiibhi, nawe mumenyere okuyaana abhaana bheemwe ebhiinu bhya ekisi. Esomwana unu ari mu‑rwire aribhakunyiirira ebhiinu bhya ekisi abhaanu bhoone bhanu abhamusabhwa!

Yowana 15:22

Araabha nikabheeye ꞉niteejire ku‑bheene na okwayika nabho, mbe bhatakabheeye na echibhiibhi. Nawe woori, bhatakutura okwibhagira ati bhatari na echibhiibhi.

1 Bakorinto 6:6

Nawe emwe, muri na itungwa ya omuunu okusitaaka omwikirisya oweejaanyu mw‑iramuriro, ka wone ku‑bhaanu bhanu bhatari bheekirisya!

2 Bakorinto 12:14

Woori enitengeeja niije kw‑imwe eyo rwa kasatu, nawe nitaribha omugugu kw‑imwe. Nitakwenda ebhiinu bhyemwe, tari eneenda emwe abheene. Enaayika kutyo kwa okubha abhaana bhateeyire nibho bhabhiike ebhiinu inguru ya bheebhusi bheebhwe, tari abheebhusi nibho abheendwa bhabhiike ebhiinu inguru ya abhaana.

2 Bakorinto 6:15

Ka wone Kirisito na Bheriyaari, abhatura kutiki okuungwana? Omwikirisya na unu atari mwikirisya, abhatura okusangira aamwi chinu ki?

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

2 Timoteo 3:5

Abhaanu abho anja abhabhonekana ati abheekara rwa kutyo Nyamuwanga keenda, nawe mu‑myoyo jeebhwe abheegaana amanaga ga Nyamuwanga ganu agatura okuyindura jitungwa jeebhwe. Ikenga na abhaanu bha jitungwa ja ejaabho ejo.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

2 Petero 2:1

Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 3:8

Enimenya ebhikorwa bhyemwe. Mutegeresye! Anye naabheegurira orwigi na atari‑wo omuunu unu kaatura okurwigara. Enimenya ati muri na amanaga amatooto, nawe mugwatire ameeyigisyo gaani, noorwo ꞉muteegaanire risiina ryani.